DI NIÑIK KIKI BIKRISTEN
Diihe bisuklu bi ntôñ
INYUKI HALA A YÉ NSEÑ: Yéhôva Nniiga wés Nunkeñi, a nti bés biniigana bi bi nlôôha ba nseñ. A niiga bés lelaa di nla lona mahéñha ikété niñ yés, a nkôôbana ki bés bilôl bilam—ibabé i saa! (Yésaya 11:6-9; 30:20, 21; Masoola 22:17) Ni njel bisuklu gwé, Yéhôva a nkôôba ki bés i añle bôt bape nwin u u ntohol.—2 Korintô 3:5.
LELAA U NLA BOÑ:
-
Hôlôs bilem kiki suhulnyuu ni ñemlima.—Tjémbi 25:8, 9
-
Neebe bitelbene Yéhôva a nyoñ inyu uñgus we kiki bo minkwel mi likoda li ñem soñde.
-
Téé mam u nsômbôl yônôs i pes mbuu.—Filipi 3:13
-
Boñ bisesema inyu yoñ ngaba i bisuklu bi ntôñ.—Filipi 3:8
BÉÑGE VIDÉÔ I GWÉ ÑO LE LIGWAÑ I PES MBUU NI NJEL BINIIGANA BI YÉHÔVA, MBUS TIMBHE MANA MAMBADGA:
-
Mambe mandutu batéé likalô bahogi ba bi boma inyu ke i Suklu i baañal ñañ nlam u Ane?
-
Bimbe biniigana Suklu i baañal ñañ nlam u Ane i nti?
-
Lelaa lôk kéé i likoda i bi hôla i bet ba bi lôl i suklu mu minson nwap?
-
Mambe matode u nlama yônôs inyu ke i Suklu i baañal ñañ nlam u Ane? (kr 189)
-
Imbe suklu ipe u nla boñ ikété ntôñ u Yéhôva?