DI NIÑIK KIKI BIKRISTEN
Lelaa u ga kôôba Bilôp bi Nwet?
Ibôdôl nwii unu, di ga bana ngandak ngéda inyu kôôba Bilôp bi Nwet. I ngéda Bilôp bi Nwet bi nkwo ñem sonde, likoda li ñem sonde li ga ba bé i sonde i. I ngéda Bilôp bi Nwet bi nkwél i mamélél ma sonde, Nkum Ntat ni nkwel mbamba bi ga ba bé. Baa u ga tibil gwélél ngéda i? Kiki hiai bisu, bitelbene bi nlama yôña inyu likoda li tôbôtôbô li. (Lukas 22:7-13; km 3/15 1) Ndi bésbobasôna di nlama kôôba miñem nwés. Lelaa di nla boñ?
-
Soñda inyu nseñ i ke i likoda li.—1 Korintô 11:23-26
-
Wan maada moñ ni Yéhôva ikété masoohe.—1 Korintô 11:27-29; 2 Korintô 13:5
-
Añ, u soñda ki bikaat bi ntôñ bi bi nhôla bés i tibil nok kii i yé Bilôp bi Nwet.—Yôhanes 3:16; 15:13
Batéé likalô bahogi ba ñañ, ba soñdaga ki lisoñgol li Bibel inyu Bilôp bi Nwet li ba nléba i man kaat le Di wan Bitilna hiki kel. Bape ba ñañ bipes bi Bible bi di nléba ikété ntjega wada munu minkéñék mi matila. Bape ki, ba ntiimba wan gwigil bi Nkum Ntat bi bi mpôdôl Bilôp bi Nwet yak ni gwéha Yéhôva bo Yésu ba bi éba bés. To umbe ntjega yigil u mpohol, u nhôla we i kônde kôôge bebee ni Yéhôva bo Man wé.