LIGIP YAGA I NSON U ÑAÑ NLAM
Di hôlôs likeñge jés li likalô
INYUKI HALA A YÉ NSEÑ: To hala kiki dihéga di mpam munu kaat likoda li ñem sonde di nla hôla bés, dihéga ndik di. U nlama gwélél gwoñ bibuk. Bebeg u nla gwés bôdôl nya ipe tole ni nkwel umpe u u nla tihba miñem mi bôt ba libôga joñ. Ibale u mal añ mbamble, u tehe dihéga di yé munu kaat likoda, u béñge ki vidéô i nti ndémbél, ha nyen u nla kôôba ndémbél yoñ wemede.
LELAA U NLA BOÑ:
Badba le: ‘Baa me nsômbôl gwélél hihéga hiada ba nti?’
Ñ
-
Kôôba gwoñ bibuk. I ngéda u mal yéga mut, kal nye ngélé yada inyuki u téé nye bisu. (Kiki hihéga: “Me nyuuga bôt inyule . . . ”)
-
Kôôba bibañga u ga gwélél inyu nyodi i mbadga, i tagbe i pes kaat, ni i sugus ni mbamble. (Kiki hihéga, inyu jubus pes kaat, u nla kal le: “Di nla léba loñge ndimbhe inyu mbadga i, munu pes kaat ini.”)
TO
-
Ikété mbamble, pohol nkwel u nhoñol le u ga lémél bôt ba libôga joñ
-
Kôôba mbadga i i ga tinde mut i sélés boña ni i timbhe we, ndi mbadga yoñ i yumus bañ nye. (Kiki hihéga: I mambadga ma yé i lipep 2 li mimbamble.)
-
Pohol pes kaat u ga añ. (Ibale Réveillez-vous ! nyen u yé ti, u ta bé nyéksaga i añ pes kaat inyule mbamble u yé inyu bet ba nyi bé Bibel, bebeg yak le ba mbôdôl bé base ñem)
-
Kôôba ndék bibuk inyu toñle nwet ndap umbe nseñ a ga kôhna i añ nkwel u ñéba nye
TO IMBE NJEL U NYOÑ
-
Kôôba mbadga u ga timbhe i lipeple li ga noñ
-
Tila mam momasôna ma ga hôla we i yi kii u nlama kal i lipeple li noñ
