1-7 Matôp
TJÉMBI 23-25
Hiémbi 4 ni masoohe | Bibuk bi bisu (1 lin.)
1. “Yéhôva a yé ntééda wem”
(10 man.)
Yéhôva a ñéga bés (Tjémbi 23:1-3; w11 1/5 31 § 3)
Yéhôva a ntat bés (Tjémbi 23:4; w11 1/5 31 § 4)
Yéhôva a njés bés (Tjémbi 23:5; w11 1/5 31 § 5)
Yéhôva a ntôñ bagwélél bé nlélém kiki loñge ntééda mintômba a mboñ ni mintômba nwé.
BADBA LE, ‘Lelaa Yéhôva a ntôñ me?’
2. Tik ngok i mbuu
(10 man.)
-
Tjémbi 23:3—Kii i yé “manjel ma telepsép” ma Yéhôva, kii i nla hôla bés inyu boñ le di nyodi bañ mu? (w11 15/2 24 § 1-3)
-
Mu lisoñgol li Bibel li sonde ini, imbe tik ngok u nléba?
3. Lisoñgol li Bibel
(4 man.) Tjémbi 23:1–24:10 (th yigil 5)
4. I bôdôl nkwel
(3 man.) LIKALÔ I NGÉDA DI MBOÑ MAM MÉS MA HIKI KEL. Éñél mut nlôñ Bibel, nu a gwé nduña inyule bôt ba nke ni bisu i ôbôs hisi. (lmd yigil 2 litode 5)
5. I kena nkwel ni bisu
(4 man.) LIKALÔ LI MANDAP NI MANDAP. Gwélél i man kaat nunu le Niñ ilam i boga ni boga! inyu éba mut lelaa yigil Bibel i ntagbe. (lmd yigil 9 litode 3)
6. I yilha bôt banigil
(5 man.) lff pes 14 litode 4 (lmd yigil 11 litode 3)
Hiémbi 54
7. Di emble bañ kiñ i bakén ba bôt
(15 man.) Nkwel ni baemble.
Mintômba mi nyi kiñ i ntééda wap, mi noñ ki nye. Ndi i ngéda ba nok kiñ i nkén mut, ba nke ngwéé. (Yôhanes 10:5) Yak bés di ñemble kiñ i Yéhôva bo Yésu ba ba ntééda bés i pes mbuu. Ba ngwés bés, ba bak ki maliga. (Tjémbi 23:1; Yôhanes 10:11) Ndi, di ntjél emble kiñ i bôt ba nsômbôl tômbôs hémle yés ni “bibañga bi malôga.”—2 Pétrô 2:1, 3.
Kaat i Bibôdle i ñéba imbe ngéda inyu ngélé bisu, kiñ i nkén mut i bi nôôga hana ’isi. Satan a bi kal bé Éva njee a yé toi, ndi a bi gwélél nyoo inyu pôdôs nye. A bi boñ kiki bo le a yé liwanda li Éva inyu ôbôs jôl li Yéhôva. Ngoo le Éva a bi emble nye, hala a nlona nye ni lihaa jé bikuu.
Yak i len ini, Satan a ntinde bés i bana pééna i ñem i ngéda Yéhôva tole ntôñ wé ba nkal bés ngim mam. Inyu pam i boñ hala, a ngwélél manwin mabe, tole ngim miñañ i i ta bé toi maliga, tole bipôdôl bi bitembee yaga. I ngéda di nok kiñ i nkén mut, di nlama ke ngwéé. I emble nye to inyu ndék manut ndigi, i nla bane bés ndutu. Mu i ndék manut ba bi tégbaha inyu kwel, bimbe bibuk Satan a bi gwélél inyu tinde Éva i ndogop? (Bibôdle 3:1, 4, 5) Kii di ga boñ ibale mut di nyi, mut a ngwés bés, a ban-ga mahoñol malam a ngwés éba bés ngim manwin ba ntjam inyu kolba ntôñ Yéhôva?
Tuk VIDÉÔ ini le Ni emble bañ “kiñ i bakén ba bôt.” I mbus bat baemble mbadga ini:
Kii di nla nigil munu vidéô ini kiki nyañ Jade a bé tinde ngond yé i añ manwin mabe ma ma nkolba ntôñ?
8. Yigil i Bibel i likoda
(30 man.) bt pes 8 § 1-4, minkéñék mi matila i mapep 61-62
