Ngand i Pasa i nsôk i Yésu hana ’isi i bé lama bana mahee ngandak. Kiki nyemb yé i bé bebee, a bi kôôba i je Pasa ni baôma bé, i mbus a téé ngim ngand i yok i bé lama tagbe hiki nwii i ba nsébél le Bilôp bi Nwet. Jon a bi om Pétrô bo Yôhanes inyu kôôba homa ba bé lama tégbaha yo. (Lukas 22:7-13; béñge titii i lipep li bisu.) Hala a mbigdaha bés le di nlama ba nkôôbaga inyu Bilôp bi Nwet bi bi ga tagbe i hilo 27 hi sôñ Matumb. Makoda ma ga pohol njee a ga ti nkwel, ba ga kôôba bret ni wai ni mam mape ki. Kii hiki wada wés a nla boñ inyu ba nkôôbaga Bilôp bi Nwet?

Kôôba ñem woñ. Añ, u ôt ki pék mu lisoñgol li Bibel inyu Bilôp. U nla léba ntjega u munu kaat ini le Di wan Bitilna hiki kel. Di nla léba ntjega u u gwé ngandak ndoñi i Appendix B12 i La Bible. Traduction du monde nouveau. (Béñge yak Kaat likoda li ñem sonde i sôñ Matôp 2020.) Mu bibégés gwap bi ndap lihaa, mahaa ma nla kônde boñ nyiña inyu kônde yi nseñ u binoñ, ba gwéélak bisélél kiki bo bini le Index des publications Watch Tower tole Ñéga inyu nyiña u bikaat bi Mbôgi Yéhôva.

Naña bôt bape. Yoñ ngaba ikeñi mu hônd i. Hoñol bôt bobasôna ba u nla naña, kiki bo i bôt u yé u mbéna peple, i bôt we ni bo ni bi nigil Bibel behee, i bôt we ni bo ni nsal tole bôt boñ ba lihaa. Mimañ mi nlama naña lôk kéé i i bi waa téé likalô behee. Yi le u nla hôla yak mut a nyééne bé libôga joñ i yi ngeñ ni homa Bilôp bi ga tagbe i libôga jé, kee i homa nunu le INYU YI BÉS i jw.org, u pohol “Mbigda.”

Kii ipe di nla boñ inyu bôñha?