I jam li bi pémél Lôk Israel i tegep mbok i Môab li yé hihéga hi hi nhôla bikristen i yoñ matat. (1 Korintô 10:6, 8, 11) I bon ba Israel ba ba bi bôdôl kiha ni bingond bi Môab bi bi bé bôda ba ndéñg ni babégés bisat ba bi boñ bibéba bikeñi. Sôk i nsôk, hala a lona bo bikuu. (Ñañga bôt 25:9) Yak bés di yé nkéñ-ga ni bôt ba ba ngwélél bé Yéhôva kiki bo solôñ yés i bôlô, mawanda més ma suklu, bôt bés ba libôk, bôt bés ba lihaa ni bôt bape ba ba nsélél bé Yéhôva. Kii ñañ unu, u niiga bés inyu bikuu bi nla kwél bés ibale di mbôdôl kiha ni bilôñ bibe?

BÉÑGE VIDÉÔ I GWÉ ÑO LE DIHÉGA DI DI YÉ BÉS NDÉMBÉL I LEN INI​—DINYO MALÉP, I MBUS TIMBHE MAMBADGA MANA

• Mimbe minkwel mimbe Zimri ni bana bape ba bi kwélés Yamin?

• Lelaa Finéhas a bi hôla Yamin i bana litehge lilam?

• Mambe maselna ma yé ipôla i ba liyômba ni mut nu a nsélél bé Yéhôva ni i ba liwanda jé?

• Inyuki yak ikété likoda di nlama yoñ yihe ngéda di mpohol mawanda?

• Inyuki di nlama tjél ba liwanda ni bôt ba di nyi bé loñge loñge i internet?