Mandutu ma nla pala tômbôs bés, téntén ngéda ma nom. David a bé yi le mandutu Kiñe Saulô a bé nôgha nye ma bé lama mal kel yada, ni le a bé lama yila kiñe i loñ Israel kiki Yéhôva a bi bôn. (1 Samuel 16:13) Hémle i David i bi tinde nye i bem Yéhôva ni hônba.

Ngéda di yé i bisu bi mandutu di nlama gwélél ngap yés i yi bagal mam, di gwélél i yi di gwé ni ngap yés i hek pék inyu héñha mam. (1 Samuel 21:12-14; Bingéngén 1:4) Ndi i yé i pam le ngim mandutu i nom to ibale di mboñ kii yosôna Bitilna bi nkal. Ha ngéda i, di nlama bana hônba, di bem ki Yéhôva. Ndék ngéda, a ga mélés mandutu, a “sas ki gwiiha gwobisôna” i mis més. (Masoola 21:4) To ibale Yéhôva nyen a nhôla bés i pamba, tole yom ipe yon i nkobol bés; i jam di nyi li yé le: Hiki ndutu i gwé lisuk. I yi hala i nla hôgbaha bés.

BÉÑGE VIDÉÔ I GWÉ ÑO LE LITÉN LI LI GWÉ ADNA IKÉTÉ NKOÑ ’ISI U YÉ MBAGLAK, I MBUS TIMBHE MAMBADGA MANA:

• Mambe mandutu bikristen bi bi bé niñ i Amérika Nwelmbok bi bi boma?

• Lelaa ba bi éba le ba gwé hônba ni gwéha?

• Lelaa ba bi ke ni bisu i bok mahoñol map i “mam ma nlôôha ba nseñ”?—Filipi 1:10