I bet ba gwé bihiumul bilam, ba yé maséé i bana maada malam ni Yéhôva. (1 Pétrô 1:14-16) Kiki banigil Bibel ba nke ni bisu i tjôô bilem gwap bibe, ba ga lémés niñ yap i lihaa, hala a’ hôla bo i ba mbôô, b’a tibil ki gwélél bigwel moo gwap.

Di nlama tibil toñle bo inyuki Yéhôva a bi ti bés mambén ni umbe nseñ ba nla bana ngéda ba nôgôl mo. Kee ni bisu i hôla banigil Bibel i héñha litehge jap li mam, hala a ga hôla bo i héñha yak maboñok map. (Éfésô 4:22-24) Toñle bo le Yéhôva a ga hôla bo i tjôô bilem gwap bibe. (Filipi 4:13) Niiga bo i yemhe Yéhôva le a hôla bo ngéda ba gwé ngôñ i boñ béba jam. Hôla ki bo i yimbe kii i mbéna noode bo inyu boñ le ba keñgle i mam ma. Ti bo makénd i héñha bilem gwap bibe ni ­bilem bilam. W’a ba maséé i tehe banigil Bibel ba mboñ mahéñha i niñ yap ni mahôla ma Yéhôva.

BÉÑGE VIDÉÔ I GWÉ ÑO LE HÔLA I BÔT WE NI BO NI NIGIL BIBEL I YÉMBÉL MABOÑOK MA NYEGA,I MBUS TIMBHE MAMBADGA MANA:

• Lelaa mimañ ni Neeta ba bi éba le ba mbôdôl Jade ñem?

• Lelaa Neeta a bi hôla Jade?

• Lelaa Jade a bi yéñ mahôla ma Yéhôva?