Di gwé bividéô bi-na bi bi nhôla bés i bôdôl gwigil bi Bibel. Njômbi i hiki vidéô i yé le kii?

• Inyuki di nlama nigil Bibel?​—Nténdéé vidéô i ntinde bôt i bana ngôñ i yi mam ma Bibel ibabé i béñge base yap. I nti i bôt ba mbéñge yo ngôñ i léba mandimbhe mu mambadga ba mbadba. I ntibil toñol mandimbhe ma, i nhôla ki bo i yi lelaa ba nla bat yigil i Bibel.

• Inyuki di nlama nigil Bibel? (i i yé kidik) I vidéô i i yé sem kwep i vidéô i bisu. I yé loñge inyu mabôga i het bôt ba gwé bé ngandak ngéda.

• Yigil i Bibel i ntagbe lelaa? Njômbi yé i yé le i ti bôt ngôñ i nigil Bibel, i ntimbhe ki ngim mambadga bôt ba mbadba kiki bo lelaa yigil Bibel i ntagbe.

• Di nti we makénd i nigil Bibel ba nlama éba yo nnigil Bibel i mbus le a mbôdôl yigil i Bibel. Tolakii ba mpôdôl i vidéô ini i lipep li nyônôs iba li kaat ini le Niñ ilam i boga ni boga! di nlama éba yo i ngéda di ngwélél i man kaat nunu le Niñ ilam i boga ni boga! I vidéô i i mpôdôl miño mi minkwel ni i mam nnigil Bibel a ga tehe mu yigil yé.

Tolakii hiki vidéô i gwé yé njômbi, di nla unda bo yo tole di nla ômle bo yo hiki ngéda hala a mbéda. Batéé likalô ba nlama meya bividéô bi inyu tibil gwélél gwo i likalô.