INYUKI HALA A YÉ NSEÑ: I téé likalô ni njel téléfôn i nlôôha ba nseñ inyule hala a nhôla i “bok mbôgi i nya i yôni inyu ñañ nlam.” (Minson mi baôma 20:24) * Hala a nhôla bés i tééne bet di nla bé tehe i mbom ni mbom likalô.

LELAA U NLA BOÑ:

• Kôôba. Tep ño nkwel u u nlémél bôt. Tjek mahoñol u nsômbôl gwélél. Kôôba ndék bibuk u nla gwélél inyu toñol inyuki u nsébél ibale téléfôn i ñep we i repondeur. Mu téblé het u yiine, i yé loñge i bana mapep het u ntila mahoñol moñ, ni bisélél bipe w’a bana ngôñ kiki bo kei yoñ i i gwé JW Library^® tole jw.org^® nyiblak

• U pabla bañ. Pot kiki u mbéna pot. Nwemla u yiñhaga, u boñok wengoñle i mut we ni nye ni yé kwel i téléfôn a yé bisu gwoñ. Boñ le nkwel woñ u kuli. I yé le i ba loñge le mut numpe a ba ni we. Ibale nwet ndap a mbat mbadga, tiimba yo makeñi inyu boñ le i nwet we ni nye ni yé a hôla we i timbhe yo

• Bat mbadga inyu lipeple. Ibale nwet ndap a gwé ngôñ i kena nkwel ni bisu, bat ngim mbadga i w’a timbhe ngéda w’a tiimba sébél. U yé le u bat nye adress e-mail yé inyu tilna nye tole inyu éble nye ngim mbamble. U nla ki kal nye le w’a tilna nye tole w’a éble nye e-mail inyu boñ le a béñge ngim vidéô tole a añ ngim ño nkwel. Pohol loñge ngéda inyu kal i nwet we ni nye ni nkwel le a nla kôhna biniigana bipe mu site yés internet