Gwéha i yé ngim yom i i ñat bijô bi lihaa. Ibale gwéha i ta bé ikété ngim lihaa, ba ga ba bé ba édi, i ga ba ki bo ndutu i sal ntôñ. Lelaa balôm, baa, ni bagwal ba nla éba gwéha ikété lihaa?

Munlôm nu a ngwés nwaa wé, a ntôñ nye, a ndiihe mahoñol mé ni yom a nkal. (Éfésô 5:28, 29) A ntôñ lihaa jé i pes minsôn ni pes mbuu, hala wee, hiki sonde a nlama tégbaha bibégés bi ndap lihaa. (1 Timôtéô 5:8) Muda nu a ngwés nlô wé, a ‘nsuhus nyemede isi nlôm.’ A tinak nye njôôñ lipém (Éfésô 5:22, 33; 1 Pétrô 3:1-6) Boba ba nlama ba bebee i nwéhlana wada ni nuu. (Éfésô 4:32) Bagwal ba nlama éba le ba ngwés hiki man wap, ba niiga ki bo i gwés Yéhôva. (Ndiimba mbén 6:6, 7; Éfésô 6:4) Mambe mandutu boñge ba mboma i suklu? Lelaa ba nla yémbél ndééñga ba nkôhna i suklu? Ngéda lihaa li niñ ikété gwéha, bijô gwé bi nôgda nsañ ni nwee.

BÉÑGE VIDÉÔ I GWÉ ÑO LE UNDA GWÉHA I I MPIÑGLA BÉ IKÉTÉ LIHAA JOÑ, I MBUS TIMBHE MAMBADGA MANA:

• Lelaa munlôm a nla éba le a ngwés nwaa wé, a diihege ki nye?

• Lelaa muda nu a ngwés nlôm a nla éba le a gwé njôôñ suhulnyuu ipañ yé?

• Lelaa bagwal ba ba ngwés bon bap, ba nla niiga bo mambén ma Yéhôva?