Bikodlene bi nla ba biniigana, tole kogse. Yéhôva a nkodol bés inyu boñ le bibégés gwés bi lémél nye. (Rôma 12:1; Lôk Héber 12:10, 11) I yé maliga le bikodlene bi nkônha bé maséé. Ndi ngéda di neebe gwo, di nlémél Yéhôva, a nsayap ki bés. (Bingéngén 10:7) Kii i mut a nkodol bôt bape, ni nu a nleege bikodlene ba nlama tééda i mahoñol?

I nwet a nkodol. Mimañ, bagwal, ni bôt bape ba ba nkodol bôt, ba nlama kodol bo ni konañgoo ni gwéha kiki Yéhôva. (Yérémia 46:28) To ibale mut a nlama kôhna bikodlene bi ngui, ba nlama ke ni bisu i kodol nye ni gwéha.​—Titô 1:13.

I nwet ba nkodol. I nwet ba nkodol a béñge bañ manjel ba ngwélél tole bibuk ba ngwélél inyu kodol nye, ndi a bok mis i nseñ u maéba ba nti nye, a bii ki mo bisélél. (Bingéngén 3:11, 12) Kiki di yé bikwéha bi bôt, di gwé ngôñ ni bikodlene, ndi bi nla ba nya ndi nya. Di nla kôhna bikodlene ni njel lisoñgol jés li Bibel, tole ni njel makoda més. Ndi ngim mangéda, juu li bikodlene jon li nla kodol bés. Ibale di neebe bikodlene bi Yéhôva, hala a ga lémés niñ yés, di ga kôhna ki niñ boga.​—Bingéngén 10:17.

BÉÑGE VIDÉÔ I GWÉ ÑO LE YÉHÔVA A NKODOL BET A NGWÉS,” I MBUS TIMBHE MAMBADGA MANA:

• Lelaa niñ i Canon i bi bôdôl, lelaa i bi yik héñha?

• Bimbe bikodlene a bi kôs?

• Bimbe biniigana hihéga hié hi nti bés?