I ngéda di ngwés toi lôk kéé, di mbot ñem le ba ga yoñ makidik malam. (1 Korintô 13:4, 7) Kiki ’héga, ibale mankéé wada a mboñ béba keñi, ndi a kôhna bikodlene, di mbot ñem le bikodlene bi, bi ga hôla nye i héñha. Di nhônba lôk kéé i i gwé hémle i i ntomb, di noodege ki hôla bo. (Rôma 15:1) I ngéda ba mpémés mut i ntôñ, di mbot ñem le kel yada, a ga témb yak Yéhôva.—Lukas 15:17, 18.

BÉÑGE VIDÉÔ I GWÉ ÑO LE BIGDANA LE GWÉHA—I MBÔDÔL MAM MOMASÔNA ÑEM, I MBUS TIMBHE MAMBADGA MANA:

• Lelaa Abner a bi éba le a ntéñbe bé i gwés?

• I ngéda Abner a bi bat David le a boñ malômbla ni nye, kii David a bi boñ? Ndi kii Yôab nye a bi boñ?

• Inyuki di nlama bot ñem le bilôk bikéé bi ga yoñ makidik malam?