Inyu lémél Djob, banigil Bibel ba nlama lédés hémle yap. (Lôk Héber 11:6) Di nla tihba miñem nwap ni kaat ini le: Niñ ilam i boga ni boga! I kaat ini, i gwé minlôñ mi Bibel, biniigana bi ntomb, mambadga, bividéô, ni ngim njômbi banigil Bibel ba nlama yônôs. I ngéda di nhôla nnigil Bibel i bana bilem bi bikristen, ni maada malam ni Yéhôva, di nhôla nye i kolba mandutu a ga boma i dilo di nlo.—1 Korintô 3:12-15.

Ngandak bôt i nhoñol le i yé ndutu i yila liwanda li Djob, inyule ba nla bé tehe nye. Inyu hala nyen di nlama hôla bo i yi njee a yé Yéhôva ni i bôdôl nye ñem.

BÉÑGE VIDÉÔ I GWÉ ÑO LE GWÉLÉL “NIÑ ILAM I BOGA NI BOGA!” INYU LÉDÉS HÉMLE YOÑ IPAÑ YÉHÔVA! I MBUS TIMBHE MAMBADGA MANA:

• Kii i nyisbés le sita i ntibil kôôba yigil?

• Lelaa a bi gwélél mambadga mape inyu yi jam nnigil Bibel a nhoñol inyu Yésaya 41:10, 13?

• Lelaa i vidéô ni minlôñ mi bikaat a ngwélél mi nhôla nnigil Bibel?

Ngandak bôt i nyi bé kii i yé binoñ, tole ba ntehe bé gwo kiki likébla Djob a bi ti inyu yap. (Galatia 2:20) Jon di nlama hôla bo i hôlôs hémle i ngui inyu sesema Djob a bi ti.

BÉÑGE VIDÉÔ I GWÉ ÑO LE GWÉLÉL “NIÑ ILAM I BOGA NI BOGA!” INYU LÉDÉS HÉMLE YOÑ IPAÑ YÉSU! I MBUS TIMBHE MAMBADGA MANA:

• Kii i nyis bés le mankéé a ntibil kôôba yigil?

• Lelaa i mam di nkoba i homa nunu le “Kônde yéñ” ma bi hôla nnigil Bibel?

• Inyuki di nlama soohe inyu nnigil Bibel?