Kiki di nke ni bisu i kôôge bebee ni lisuk li nkoñ ’isi unu, di nyi le yubda, térôrism ni gwét bi ga ke ni bisu i ba ikété biloñ. (Masoola 6:4) Lelaa di nla kôôba inyu boma mandutu ma?

• Kôôba i pes mbuu: Béñge matiñ ni miñañ mi Bibel mi mi nla lédés hémle yoñ ipañ Yéhôva ni ntôñ wé, mi mi nla ki hôla we i ke ni bisu i tjél yoñ ngaba ni mam ma nkoñ ’isi. (Bingéngén 12:5; jr 125-126 § 23-24) Ngéda ini nano le di hôlôs maada ma bas bas ni lôk kéé i likoda jés.—1 Pétrô 4:7, 8

• Kôôba i pes minsôn: Tjek mam kayéle u bana ndék gwom i i ga hôla we to ibale u nla bé pam i ndap yoñ. Bôñha inyu yi imbe njel u ga yoñ ibale i mbéda le u yék ndap yoñ. Tibil béñge i gwom u nlama ha i bot yoñ i ngwéé. U hôya bañ i gwom bi nla hôla we kiki bo mask, bee ni moni. Bana nomba i téléfôn i mimañ nwoñ, yak we u ti bo nomba yoñ i téléfôn.—Yésaya 32:2; g17.5 3-7

I ngéda yubda i nkwo ikété loñ: Kee ni bisu i lédés hémle yoñ. (Filipi 1:10) U nyodi bañ i ndap yoñ, handugi le ngomin nyen a mbat hala. (Matéô 10:16) Ibale u gwé bijek tole gwom bipe, yak we kébha gwo bôt bape.—Rôma 12:13

BÉÑGE VIDÉÔ I GWÉ ÑO LE BAA NI YÉ NKÔÔBAGA INYU BIKUU? I MBUS TIMBHE MAMBADGA MANA:

• Lelaa Yéhôva a nla hôla bés i ngéda bikuu bi nkwo?

• Mambe mam ma tôbôtôbô di nlama boñ inyu ba nkôôbaga?

• Lelaa di nla hôla i bet bikuu bi nkwél?