9:62

Inyu boñ le dikuu di sedep bañ, nsalwom a nlama bé nwas le i mam ma ntagbe nye mbus ma yoña nye. Nlélém, kristen i nlama bé nwas le mam a bi yék nkoñ isi ma yoña nye.​—Filipi 3:13.

Ngéda di mboma mandutu, i nla ba jam li ntomb le di bôdôl hoñol ‘mangéda malam di bi tégbaha kôba,’ bebek ilole di nyi maliga. Ndi ngéda di mboñ hala, di yé di lôôha kéñbaha maséé di bééna ha ngéda i, di yanak mandutu di bé boma. Hala nyen bon ba Israel ba bi boñ ngéda ba bi nyodi Égiptô. (Ñañga bôt 11:5, 6) Ibale di nkida i bigda i nya mam i, ngôñ i yé le i lo bés le di témb mu i niñ i. I nlôôha ba nseñ le di diihe bisai di gwé nano, ni le di bok mis més mu maséé m’a ba i si Ane Djob i dilo di nlo!​—2 Korintô 4:16-18.