Bibel i nkal le di yoñ miñunuk mi lôk kéé i bôda kiki banyañ bés, miñunuk mi lôk kéé i bôlôm kiki basañ bés ni bet ba yé njohok kiki lôk kéé. (Añ 1 Timôtéô 5:1, 2.) Bilôk bikéé bi bôlôm bi nlama diihe bilôk bikéé bi bôda, bi tinak ki bo lipém.

Kekikel, mankéé nu munlôm a nlama bé nun mankéé nu muda a ban-ga mahoñol ma ndéñg, a boñok le mankéé nu muda a yodop ngéda a yé nye ipañ. (Hiôb 31:1) Mankéé nu munlôm nu a ta bé mbiibaga a nlama bé tinde sita i i ta bé mbiibaga i hoñol le a gwé ngôñ i bii nye ki le mahoñol mé ma ta bé hala.

Mimañ mi nlama ti lôk kéé i bôda i i ta bé mbiibaga ngéda yap téntén ngéda i nkôôge bo bebee ni suhulnyuu inyu bat bo mbadga tole inyu kal bo ngim jam. Mimañ nwon mi nlama ba bôt ba bisu i tat ni i sôñ lôk kéé i bôda i i gwé bé balôm.​—Ruth 2:8, 9.

BÉÑGE VIDÉÔ I GWÉ ÑO LE DI UNDA GWÉHA I I MPIÑGLA BÉ IKÉTÉ LIKODA INYU BIYIK BI BÔDA NI BON BA NYUU, I MBUS TIMBHE MAMBADGA MANA:

• Lelaa likoda li bi éba sita Myint bañga gwéha?

• Lelaa i gwéha bilôk bikéé bi bi éba manyañ wap i bi bok mbôgi mu libôga li?

• Lelaa gwéha i likoda i bi lédés sita Myint?

Kii u nla boñ inyu unda bisita bi likoda joñ le u ntôñ bo?