I sôñ Dipos, di ga boñ biliya bi ngui inyu bôdôl gwigil bi Bibel ni i man kaat nunu le Niñ ilam i boga ni boga! Batéé likalô ba ba ngwés, ba nla yila basañal ba pes ngéda inyu ti 30 ma ngeñ. Lelaa di nla yoñ ngaba mu hônd i?

• Inyu nkwel u bisu: Gwélél lipep li nsôk li man kaat nunu inyu ti bôt ngôñ i emble we, u éba ki bo lelaa yigil i Bibel i ntagbe. Hoñol ndugi i bôt ba bi bôk ba leege we yak ba ba bi neebe mapeple. To ibale ba bi bôk ba tjél yigil i Bibel, bebek i nigil ni man kaat nunu i nla lémél bo. Di nlama bé yigle mut man kaat ibale a ñéba bé le a gwé ngôñ ni yigil, to ômle nye yo ni njel biléta. Juu li nson li likoda, li nla kônde biboma bi likalô mu sôñ i.

• Manjel mape di nla gwélél: Ibale likoda linan li ngwélél kak bikaat, ni ha i man kaat nunu le Niñ ilam i boga ni boga! mu. I ngéda di nti mut i man kaat nunu, di yis nye le di nla nigil Bibel ni nye ibabé i saa. Mu kiki ni mba di nkwel, ni éba nye lelaa yigil i Bibel i ntagbe i sem kwep, tole ni bôn nye le ni ga boñ hala lisañ lipe. Mañ u u ñéga nson likalô u nla pohol ngim batéé likalô ba makeñge inyu yéñ manjel inyu bôdôl gwigil bi Bibel, i bisabe ni i bahoma ba bi bôlô mu libôga jap. Di nla yak bôdôl gwigil bi Bibel ni bôt bés ni bo di nsal, tole i bôt di ntééne likalô mu kiki di mboñ mam més ma hiki kel.

Yésu a bi ti bés oda le ‘di yilha bôt banigil, di niiga bo’. (Matéô 28:19, 20) I hônd i tôbôtôbô ini, i nla hôla bés i yônôs i njômbi i ni njel i man kaat nunu le Niñ ilam i boga ni boga!