Salômô a bi bat Yéhôva le a ti nye pék (1 Bikiñe 3:7-9; w11 15/12 8 § 4-6)

Yéhôva a bé maséé inyule Salômô a bi bat nye pék (1 Bikiñe 3:10-13)

Litén li Israel li bi niñ ikété nwee ni nsañ inyule Salômô a bé diihe pék i Nyambe (1 Bikiñe 4:25)

Mut pék a yé mut nu a ntibil yaga wan mam, a nyoñ yaga yihe le a tibil nok mo iloole a yoñ makidik. Pék i gwé mahee iloo gôl. (Bingéngén 16:16) Inyu bana pék, di nlama soohe Djob le a ti bés yo, di nlama kon nye woñi, di ba bôt ba suhulnyuu ni ñem nsôhga, di nlama ki bana njôôñ yigil i Bibel.