Ngandak bôlô ni moni i bé béda inyu maoñ ma témpel i Lôk Israél. Ndi to hala, bon ba Israél ba bi nit u nson u ni ngandak makénd. (1 Miñañ 29:2-9; 2 Miñañ 6:7, 8) Mbus ba bi mal oñ témpel, libôñgôl jé li bé unda ibale bon ba Israél ba bé gwés mam ma mbuu tole heni. (2 Bikiñe 22:3-6; 2 Miñañ 28:24; 29:3) I len ini, bikristen bi nti ngéda yap ni ngui yap inyu oñ, ni pubus, ni bôñgôl Mandap ma Ane ni ma makôda makeñi. Ndi, kiki di nsal lôñ yada ni Yéhôva munu jam lini, di ntehe nson u kiki bisai bikeñi, ni kiki njel yada inyu bégés nye.—Tjémbi 127:1; Masoola 7:15.

• Bôñgôl Ndap Ane i mbus hiki likôda. Ibale u nla bé, boñ to le u héa mapep ma ma nkwo isi, i pañ yééne yoñ.

• U nyi le woo wada u nkañ bé jomb; jon kel ba ntéé libôñgôl li ndap Ane, yak we nit bôlô, le ndi i hoi, i tinak maséé.—lv 92-93 §18

• Nit bôlô ni bigwel moo gwoñ. To ibale u nla ndik ti ‘disiinaga di moni diba’ ni ñem woñ wonsôna, hala a ga lémél Yéhôva.—Markô 12:41-44.

• Bana ngôn i hôla maoñ ni tibil bahoma di béghene Djob, kiki la yoñ. U nla yoñ ngaba mu to ibale u gwé bé likeñge li maoñ.