Yésu a bi gwélél dihéga inyu unda ipam limbe likala i kwo tole i kwéha mut i yé béba.

18:6, 7

• ‘Ngok baagene’ hala wee maboñok, tole mam ma ma nla boñ le mut a noñ béba njel, le a bana bihiumul bibe tole a kwo ikété béba

• I yé loñge inyu mut a mboñ le numpe a baage le ba téñ nye soso ngok kôgôl i kiñ, ndi ba nyinis nye i ndip lom

18:8, 9

• Yésu a bi kal banigil bé le i yé bo nseñ i nimis tik jam kiki bo woo tole jis ibale bi nsômbôl yilna bo ngok baagene

• I yé nseñ i nimis tik jam inyu jôp i Ane Djob, iloole nyuu yés yosôna i jôp i Géhéna, i i yé yimbne i tjiba i boga

Mu niñ yem, kii i nla bane me ngok baagene? Lelaa me nla yoñ yihe kayéle me kwo bañ, ni le me kwéha bañ bôt bape?