DI NIÑIK KIKI BIKRISTEN
I añal ni niiga: Mam ma yé nseñ inyu yilha bôt banigil
Yésu a bi kal ba ba bé noñ nye le ba yilha bôt bape banigil. (Matéô 28:19) Hala a nsômbôl kal le di nlama añal ni niiga. I mbus ngim ngéda, bés bobasôna di nlama badba le: ‘Lelaa me yé le me hôlôs likeñge jem mu mam ma yé nseñ inyu yilha bôt banigil?’
I AÑAL
Iloole di bem le bôt ba lo i koba bés, di nlama liya ni ngui i yéñ bet ba “kôli.” (Matéô 10:11) Ngéda di yé téé likalô, baa di ngwélél pôla yosôna i nene inyu kwélés bôt ‘di mboma’? (Minson mi baôma 17:17) Lidia a bi yila nnigil inyule ñôma Paul a bi tibil yaga gwélél pôla yosôna a bééna inyu añal ñañ nlam.—Minson mi baôma 16:13-15.
“Nwas mbôô yoñ bikegla, u nôyôs bañ ki to woo woñ bikôkôa” (Ñañal 11:6)
BÉÑGE VIDÉÔ I GWÉ ÑO LE “IBABÉ WAA,” DI KE NI BISU I AÑAL ÑAÑ NLAM—HOMA NYENSÔNA, NI MANDAP NI MANDAP, I MBUS TIMBHE MAMBADGA MANA:
-
Mu bilem gwé bi hiki kel, lelaa Samuel a bi unda le a nwes mbôô i maliga?
-
Inyuki di nlama téñbe i añal ñañ nlam ikété manjel momasôna?
-
Mu mam moñ ma hiki kel, njee u yé le u añle ñañ nlam?
I NIIGA
Inyu yilha bôt banigil, di nlama ndik bé yigle bo bikaat. Inyu hôla bo i hol i pes mbuu, di nlama boñ mapeple ni gwigil bi Bibel. (1 Korintô 3:6-9) Nano, ibale biliya bi ngui di mboñ inyu niiga mut maliga ma Ane bi num bé matam malam? (Matéô 13:19-22) Ibabé waa di nlama ke ni bisu i yéñ bôt ba miñem mi yé kiki “hisi hilam.”—Matéô 13:23; Minson mi baôma 13:48.
“Me me bi bel, Apôlô a kôp malép, ndi Nyambe nyen a bi hôlôs” (1 Korintô 3:6)
BÉÑGE VIDÉÔ I GWÉ ÑO LE “IBABÉ WAA,” DI KE NI BISU I AÑAL ÑAÑ NLAM—I MBAMBA NI I YILHA BÔT BANIGIL, I MBUS TIMBHE MAMBADGA MANA:
-
Lelaa Salômô bo Maria ba bi kôp malép mu mbôô i maliga i bi béla i miñem mi Ézékiel bo Abigail?
-
Mu manjel momasôna di ngwélél inyu añal ñañ nlam, hala wee yak inyu likalô li mbamba, njômbi yés i nlama ba le kii?
-
Lelaa di yé le di kéñbaha nson wés inyu niiga bôt bape maliga?
