Yésu a bi toñle bés lelaa di nla yi le “Ane Nyambe i yé bebee.” (Lukas 21:31) A bi kal bisu bi ngéda le gwét, nyeñg disi dikeñi, njal ikeñi ni dimala bi ga ba​—i mam ma mon di ntehe len.​—Lukas 21:10-17.

Bibel i niiga le jam jada ikété ngandak mam i i ga tagbe i “dilo di nsôk” li yé le bôt ba ga bana bilem bibe. U nla léba mam ma ikété kaat 2 Timôtéô 3:1-5. Ngéda u ntehe maboñok ma bôt i len ini, ibabé nkaa i mam Bibel i bi bôk kal mon ma yé yon.

Kii hala a nkobla? Ndék ngéda wee Ane Djob i nhéñha niñ i bôt ba binam héñha yosôna. (Lukas 21:36) Bibel i niiga le Nyambe a mbôn i bet ba ga yén hana ’isi mam malam. Di wan le dihéga dini.

“Ni ngui i pot mbok i bi tina nye [Yésu] yak ni lipém, ni ngim ane, le ndi biloñ gwobisôna, ni matén, ni dilémb ba gwélél nye. Pot yé mbok i yé ndôñ pot mbok i nom mba ni mba. Y’a nyodi bé i nyeni, yak ane yé ki i yé ndôñ ane y’a tjé bé.”​—DANIEL 7:14.

Kii hala a nkobla: Ngéda Yésu Kiñe i Ane i Djob a ga ane, niñ yoñ i ga kônde lama.

“Mut nye ki nye a nyééne mu nkoñ u a’ kal bé le: ‘Me nkon.’”​—YÉSAYA 33:24.

Kii hala a nkobla: Kekikel u ga kon ha bé; u ga niñ i boga ni boga.

“A nsugus gwét letee ni lisuk li ’isi.”​—TJÉMBI 46:10.

Kii hala a nkobla: Gwét bi ga mal, yak mandutu gwét bi nla lona ma ga ba ha bé.

“Bibéba bi bôt gw’a ba ha bé . . . ba ba nsamb b’a kôdôl hisi.”​—TJÉMBI 37:10, 11.

Kii hala a nkobla: Béba mut yo ki yo i ga ba ha bé, ndik bet ba nôgôl Djob.

“Ndi b’a oñ mandap, ba yén ki mu; b’a bel nwom mi minkôô mi wai, ba je ki matam map.”​—YÉSAYA 65:21, 22.

Kii hala a nkobla: Hisi hiosôna hi ga lama. Nyambe a ga timbhe masoohe més le sômbôl yé i bôña “hana ’isi.”​—Matéô 6:10.