‘Bôt ba suhulnyu ba ga kôdôl hisi’
Ngandak ikété yés i bi tehe maboñok ma ngitelepsép, yak ma telepsép, ni lelaa bibéba bi bôt bi ntééñga bôt ba nginsohi. Baa ngitelepsép ni béba bi ga mal kel yada?
Kaat Tjémbi 37 i nti bés mandimbhe ni maéba inyu len ini. Béñge lelaa i ntimbhe mambadga makeñi ma ma noñ ha.
Kii di nlama boñ i ngéda bôt ba ntééñga bés?—Minlôñ 1, 2.
Kii i ga pémél bibéba bi bôt?—Nlôñ 10.
Ibôdôl nano, kii di nlama boñ?—Nlôñ 34.
Kaat Tjémbi 37 i ntibil toñol bilôl bilam bi bi mbem ba ba ‘mbem Yéhôva, ba téédaga ki njel yé.’ Mbôgi Yéhôva i ga ba maséé i nigil Bibel lôñni we, ni i hôla we i yi kii u nla boñ inyu kôhna bilôl bilam, we ni bôt u ngwés.