Baa ni ngi hoñlak?
Baa ni nyoñ ngéda i añ ba Nkum Ntat ba nsôk pam i masañ mana? Ibale ñ, ni béñge too ni nla timbhe mambadga ma noñ hanano:
Inyuki Yéhôva a bi neebe le nlômbi Israél u ke i gwét?
Yéhôva a yé Djob li gwéha. Ngéda litén jé li bé i si bibéba bi baane, ba ba bé ane bo ni mbanda, a bé a ti bo kunde ngim mangéda i jo gwét. Djob nyetama nyen a kôli i kit njee a yé le a yoñ ngaba i gwét, ni imbe ngéda.—w15 1/11-F, p. 4-5.
Mambe mam ma mahee bagwal ba nla niiga bon bap ba wanda inyu gwélél Yéhôva?
I yé loñge le bagwal ba gwés bon bap ba wanda, ba unda ki bo suhulnyu ni njel ndémbél ba nti bo. I yé yak nseñ le bagwal ba unda pék, ni le ba liya i nok bon bap ba wanda.—w15 15/11-F, p. 9-11.
Inyuki ñénél nkeñi nu base i Katôlika nu ba nsébél le Pape, a ta bé ñyiha (nu a nhéñha) Pétrô i len ini?
Kaat Matéô 16:17, 18 i nkal bé le ñôma Pétrô a bé lama ba ño u likoda li bikristen. Bibel i ñunda le Yésu nyen a yé ngok likas (tole ño) u ntôñ, ha Pétrô bé. (1 Pétrô 2:4-8)—w15 1/12-F, p. 12-14.
Mambe mam di nlama wan ilole di mpot?
Inyu boñ loñge ni hilémb hiés, di nlama yi (1) imbe ngéda di pot (Ñañal 3:7), (2) kii di pot (Bingéngén 12:18), ni (3) lelaa di pot (Bingéngén 25:15).—w15 15/12-F, p. 19-22.
Mambe manjel ma ngitelepsép bikristen bi nlama keñgle?
Bañga bikristen bi nlama keñgle bitembee ni hilégé. Ba nlama bé ôbôs môl ma bôt bape, to lôk bôt ni mandon, to nibil bo.—w16.01-BS, lipep 4.
Bonjee ba bé “biprisi bikeñi” ba Bibel i mpôdôl?
I bibuk bini le “biprisi bikeñi” i bé pôdôl biprisi bi bi bé tôbôtôbô ikété ntôñ biprisi, mbôda ni i prisi ikeñi i bé i ma tip héñha.—wp16.1-F, p. 10.
Lelaa di nlama tehe i mut a nje koga, a nyok ki wai i kel Bilôp bi Nwet?
Bikristen bi nlama bé ti i bet ba nje koga, ba nyok ki wai i kel Bilôp bi Nwet lipém li nlôôha. I nwet a yé toi nhook a ta bé le a gwés le ba lôôha ti nye lipem, to añle bôt le a yé nhook. (Matéô 23:8-12)—w16.01-BS, mapep 23-24.
Kii di nla nigil mu kii Abraham a bi yila liwanda li Yéhôva?
I nene le ni njel Sém nyen Abraham a bi nigil i yi Djob. Abraham a bi kéñbaha yi yé i Djob mu kii a bé soñda i ngii mam Djob a bé bôñôl nye ni lihaa jé. Di nla boñ nlélém.—w16.02-BS, mapep 4-6.
Baa Satan a bi paa Yésu, a téé nye i ngii nyôl témpel inyu noode nye?
Di ta bé nkwoog nkaa. Bikaat bi Matéô 4:5 ni Lukas 4:9 bi yé le bi sômbôl kal le Yésu a bé tehe ikété yiinda kiki bo le a bé a téé i ngii nyôl témpel.—w16.03-F, p. 31-32.
Ni mambe manjel nson wés u likalô u yé kiki manwee?
Manwee ma nlo mbeñel mbeñel. Ma nsunus, ma téédaga ki niñ. Manwee ma yé bisai bi nlôl yak Djob i len ini. (Ndiimba Mbén 33:13) Biliya bi njômbi ñem bi bagwélél ba Djob mpôdnaga ikété nson u likalô, yak gwo, bi yé bisai.—w16.04-BS, lipep 4.