Baa ni nyoñ ngéda i añ ba Nkum Ntat ba nsôk pam i masañ mana? Ibale ñ, ni béñge too ni nla timbhe mambadga ma noñ hanano:

Mambe mam ma-na di nla boñ inyu lémés ntuba wés?

Di paa kaat yés tjémbi, inyu boñ le di laa telep loñge. Di nlama hép makeñi. Ibale di nahal nyo loñge inyu tôp, di ga tôp makeñi.​—w17.11, p. 5.

Kii i nhélés we bahoma bitison bi lisolbene bi bé i loñ Israel, ni mu manjel ma bé kena nyoo?

Bitison bi lisolbene bé bisamal mu nkoñ wonsôna, a bak li le, manjel ma bé kena nyoo ma bé ntiblak loñge. Jon mut a bé le a hoo pam nyoo ngi ndutu yo ki yo.​—w17.11, p. 14.

Inyuki binoñ bi yé likébla li nlôôha lilam di nla kôs?

Li nyônôs ngôñ yés i niñ mba ni mba, li nkobol ki bés i mok mi béba ni nyemb. Kiki a bé gwés mbôda i Adam, Djob a bi ti bés Yésu tolakii di bé di ngi yii kwéha.​—wp17.6-F, pp. 6-7.

Lelaa bibuk bi kaat Tjémbi 118:22 bi bé unda le Yésu a bé lama tuge?

Ba bi tjél neebe Yésu kiki Mésia, ba nol ki nye. Inyu boñ le a yila “ngok likas,” a bé lama tuge.​—w17.12, pp. 9-10.

Baa i bé nyégsaga i ba mbôkgwéé inyu ba i ndaye Mésia?

Ngim mangéda i bé i pam le ndaye i Yésu i tagbene yak man nu bisu, ndi he ngéda yosôna bé. Kiki hihéga, David a bé bé man munlôm nu bisu nu Yésé; ndi a ba mu ndaye i.​—w17.12, pp. 14-15.

Mambe matiñ ma Bibel ma ma ntihba matibla di nléba ikété Bibel?

I si Mbén, ngim makon i bé bat le i bet ba gwé mo, ba yén haa ni bape. Mut a bé lama jôa moo mbus a bi tihba mim. Mbén i bé bat le ba tém hisi inyu jô mahindi ma mut binam. Ba bé lama kwee man munlôm hilo hié hi nyônôs juem hi niñ, inyule ha nyen matjél ma bé le ma hoo maba.​—wp18.1, p. 7.

Inyuki i ta bé béba le kristen i gwés nyemede i nya i kôli?

Di nlama gwés mut wés libôk kiki bésbomede. (Markô 12:31) “Balôm ba nlama gwés baa bap wengoñle manyu map bomede.” (Efésô 5:28) I yé ntiik le, i nla pam le mut a gwés nyemede i nya i téé bé.​—w18.01, p. 23.

Bimbe bitelbene di nla yoñ inyu ke ni bisu i hol i pes mbuu?

Di nlama nigil Bañga i Djob ni soñda yo, di nlama ki bii mam di nigil bisélél. Di nlama ki nwas le mbuu mpubi u tihba ñem wés ni mahoñol més, di bak bebee i neebe mahôla ma bôt bape ni ñem mayéga.​—w18.02, p. 26.

Inyuki li wan tjôdôt ni bo ngambi bi ta bé njel lam inyu yi bilôl?

Manjom ma yé jôga, ndi i bisu i yé le Bibel i nkal le manjel ma mo ima ma nlémél bé Djob.​—wp18.2, pp. 4-5.

Lelaa di nlama boñ ngéda mut a naña bés i je i nyeni?

Ibale di mal neebe nsébla, di nlama boñ biliya i yônôs mbônga wés. (Tjémbi 15:4) Di nlama bé héñha mahoñol ibabé bañga njom. Bebek le, nwet a naña bés a nsal ngandak inyu lamb bijek bi.​—w18.03, p. 18.

Kii lôk kéé i bôlôm i i yé bagwelnson likoda, i nla ôt mu ndémbél i Timôtéô?

Timôtéô a bé tôñ toi bôt, a biiak ki mam ma mbuu bisu i niñ yé. A bé sal ni ngui inyu nit bibégés bipubi, a hak mam a bé nigil bisélél. A bé hiañda nyemede i mam ma mbuu, a bôdlak ki mbuu Yéhôva ñem. Mimañ ni lôk kéé ipe ba nla kôna ndémbél yé.​—w18.04, pp. 13-14.