Bebek, kiki ngandak ikété yés, hala a tane bé we jam li ntomb i bigda i mam u nigil. Ndi, di nla pala bigda biniigana bi Yésu inyule a bé gwélél dihéga inyu niiga. I hoñol i mam Yésu a bé kal i nla hôla bés i bigda biniigana gwé. Nlélém, di nla bigda i mam di nigil ibale di nhégda mo wengoñle di ntehe mo. Lelaa di nla pam i boñ hala. Di ôt bititii i ngéda di nigil.

I bôt ba ñôt bititii bi mam ma mondo ba nigil ba mbéna tééda mo. I ôt bititii i nhôla bo i tééda bibuk ndi yak balôm ba mam ba nigil. Ba ngwélél bé likeñge li ngui i ôt bititii bi. Bi nlôôha hôla miñunuk mi bôt i bigda i mam ba nigil.

I ngéda w’a ba u nigil, noode ôt bititii bi mam u nigil. Hala a ga hélés we i tehe libim li mam u ntééda!