Baa ni ngi hoñlak?
Baa u yé le u timbhe mambadga mana di nwan mu ba Nkum Ntat ba nwii 2019?
Unu mbônga u Djob le: “Jôl gwét yo ki yo i ñua inyu jôs we, i ta bé le i nyo we,” u nkobla le kii? (Yésaya 54:17)
Di mbot ñem le Nyambe a ga tat bés ikolba baoo ba ba yé kiki “nhébék u ba ba mbôôha ñem matjél.” (Yésaya 25:4, 5) Baoo bés b’a la bé boñ bés béba i i nom mba ni mba.—w19.01, mapep 6-7.
Lelaa telepsép i Yéhôva i nene mu maada mé ni bon ba Kanaan yak ni Lôk Israel i i bé ndogbene nye?
Djob a bé kogse i bet ba bé boñ malal ma nyega, tole ba ba bé tééñga bôda ni boñge. Ndi a bé sayap i bet ba bé nôgôl nye, ba bôñlak bôt bape mam ma téé sép.—w19.02, mapep 22-23.
Kii di nlama boñ ngéda di yé ngim homa, ndi mut a ta bé Mbôgi Yéhôva a bôdôl soohe?
Di nla yén nwee, ni lipém jolisôna. Ndi di nkal bé le “amen”, di ngwelna bé ki to i moo ni bôt ba yé bés ipañ. Di nla ki soohe i ñem.—w19.03, lipep 31.
Inyuki i ôbôs mañge i yé béba keñi?
Liôbôs mañge li yé béba ikeñi ikolba mañge ba ñôbôs, likoda, ngomin ni Djob. Ibale mbén loñ i nkal le ba kogse mut a ñôbôs mañge, mimañ mi nit mbén i.—w19.05, mapep 9-10.
Lelaa di nla héñha ngui i i ñénél mahoñol més?
Di nlama boñ mam maa: Masoohe. I soñda inyu wan mahoñol més. I pohol biloñge bi mawanda.—w19.06, lipep 11.
Lelaa di nla kôôba nano inyu kolba ndééñga i i yé njel?
Di nlama lédés maada més ni Yéhôva. Di ba nkwoog nkaa le Yéhôva a ngwés bés, ni le a ga yôi bé bés kekikel. Di añ Bibel hiki kel, di soohe hiki ngéda, di ba nkwoog nkaa le bisai Ane Djob i nlona bi ga yon, di tééda minlôñ mi Bibel mi di nlôôha gwés ni tjémbi di bibégés.—w19.07, mapep 2-4.
Kii di nla boñ inyu hôla bôt bés ba lihaa i kôs tohi?
Di yéñ nôgda i yom ba nôgda, di bana bihiumul bilam, di hônba bo, di gwélél ki bibuk bilam.—w19.08, mapep 15-17.
Lelaa di nkôs hogbe kiki Yésu a bi bôn i kaat Matéô 11:28?
Di gwé batééda ba gwéha, mawanda ma nloo momasôna, ni nson u nloo nwominsôna.—w19.09, lipep 23.
Lelaa Djob a nti bés ngôñ ni ngui i boñ mam? (Filipi 2:13)
Ngéda di nsoñgol Bañga i Djob, di yoñok ngéda i ôt pék mu, Nyambe a nlédés bés ngéda a nti bés ngôñ ni ngui i boñ sômbôl yé. Mbuu wé u nla kônde bés ngap.—w19.10, lipep 21
Mambe mam di nlama boñ ilole di nyoñ makidik?
Mam ma-tan: Di boñ bañga nyiña. Di bat Yéhôva pék. Di wanba. Di bana ngim njômbi. Di lôk bañ bésbomede.—w19.11, mapep 27-29.
Ngéda Satan a bi kal Éva le a ga wo bé, baa a bé sômbôl kal le mbuu u nkônde niñ i ngéda mut a nwo?
I nene le to. Satan a bi kal Éva le a ga wo bé tjagda. A bi kal bé nye le nyuu yé i nwo, mbuu wé u kee ni bisu i niñ. Bikwéha bi biniigana gwobisôna bi bi mal i Ntida malép. Bebek le bini biniigana le mbuu u nwo bé, bi bi témb bi gwéé ngéda Nyambe a yubda dilémb di bôt ba binam i Babel.—w19.12, lipep 15.