Kel yada sita yada i loñ i Siland Yondo a bi béñge i vidéô ini le ‘Di tôñna bés ni bés’ i i ñunda le Yéhôva a ntôñ ndik bé bôt, ndi a ñunda yak bo konangoo. (Yésaya 63:​7-9) A bi yoñ makidik i noñ maéba ma, le a hôla bôt. Mu kel i, i ngéda a bé i homa ba nuñul gwom bi mbañgô, a boma muda wada nu a bééna bé homa liyééne, a bat nye too a bé le a sômbôl nye bijek. Muda a neebe. I ngéda sita yés i bi mal somb bijek, i ti nye, i tééne nye likalô ni lipep lini le Baa mandutu m’a mal kel yada?

I muda nu a bôô maéya. A kal sita le a bi nañ maliga, ndi a bi tjôô mo hala a yé ntandaa ngéda. Ndi masañga ma, a bé soohe Yéhôva le a hôla nye i témb i nyeni. Sita a bi ti i muda nu Bibel, ba yoñ ki bitelbene inyu bôdôl yigil. a

Yak bés di nla kôna Yéhôva i ngéda di ntôñ bôt bobasôna, bôt bés ba lihaa, bilôk bikéé bi bôlôm ni bi bôda bi likoda. Di nla yak unda le di ntôñ bôt i ngéda di nyéñ manjel i tééne bo likalô.