I ndoñi ini i nla hôla we i léba njôôñ biniigana bi Bibel. I nla unda we lelaa i mam ba mpôdôl i ngim nlôñ u Bibel ma bi tagbe, inyuki ba bi tila mo, ma mpôdôl kii, tole ndoñi i ngim bibuk.

Watchtower KOBOT BIKAAT I INTERNET^™ ni JW Library^® bi nhôla i léba bikaat (tole biréfence) i kaat ini le Ñéga inyu nyiña bi bi ntoñol ngim nlôñ u Bibel u yé i añ. U nla léba i bikaat bi mu mapep (tole bon ba mapep) ma yigil ma to imbe Bibel u ga koba mu.

I ngéda u ngwélél bikaat bi, tibil béñge nwii. Gwigil bi ntip pam gwon bi mbôdôl ha ngii. Minlômbi mi gwigil mi nla bana biniigana ba bi kodol.

• Hala a nlet bé i léba Ñéga inyu nyiña i ngéda u njôp i Watchtower KOBOT BIKAAT I INTERNET.

• Inyu boñ le bikaat bi bi ntoñol ngim nlôñ u Bibel bi nene i JW Library, u nlama yoñ Ñéga inyu nyiña i sélél yoñ, u tehe too u gwé mahéñha ma ntip bôña. Inyu boñ hala, u nla hihe maton maa ma yé i ngii, i walôm ma ngim pes i Bibel.