Baa u gwé ngôñ i tibil ôt nseñ ni yigil yoñ? U nla noode makeñge mana inyu tibil bok mahoñol moñ i yom u nigil:

• Pohol loñge homa. Ibale u nla, yéñ homa nu a mpôp a ban-ga mapubi ma ma nla hôla we i tehna loñge. U nla yén i téblé, tole u nla pohol i yén i loñge homa i mbégdé.

• Yéñ homa u nla ba wetama. Yésu a bi pohol i soohe “kegla tutu” “i ñoñ.” (Markô 1:35) Ibale u nla bé ba homa wetama, yis lihaa joñ tole i bôt we ni bo ni niñ ntôñ i ngéda u mpohol le u nigil, u bat ki bo le ba tééñga bañ we ha ngéda i.

• Bok mahoñol moñ i yigil. U nwas bañ le yom yo ki yo i yoña we. Ibale u ngwélél téléfôn tole tafel inyu nigil, u nla ha yo i mode silencieux tole i mode avion le i ntééñga bañ we. I ngéda u nigil, ibale u nhoñol ngim jam u gwé ngôñ i boñ, pala tila yo homa inyu boñ le u hôya bañ. Ibale i ta bé we jam li ntomb i bok mahoñol moñ i yom u yé nigil, yoñ ndék ngéda inyu kogol makôô tole yoñ ndék manut inyu noi.