Bagwal ba nlama niiga bon bap i yi Yéhôva, kinje njok bôlô! (Éfésô 6:4) Jon inyu hôla bagwal, ntôñ u Yéhôva u mpémés ngandak bisélél. Lelaa u nla gwélél gwo inyu niiga bon boñ?

• Kee i JW.ORG, w’a koba minkwel nwominsôna ba ma pémés inyu boñge, bividéô ni mam mape. a Inyu léba biniigana bi, jubus i buk ini le “Boñge” tole “Boñge ba wanda” i homa nyiña.

• Pohol i yom u ngwés. W’a koba ngandak mam i ngéda u njubus i buk ini le “Boñge,” u nla pohol i mam ma nkiha ni man woñ.

• Yoñ ngéda i kwélél mu ni nye. U gwélél ndik bañ i biniigana bi inyu boñ le man woñ a tééñga bañ we. Ndi, we ni man woñ ni kwélél mu, inyu boñ le u hôla nye i yila liwanda li Yéhôva.