MAHÔLA NGÉDA U GWÉ NDUÑA
Nduña i ga mal
Maéba ma Bibel ma nla hôla we i suhus nduña. Mut to wada a nla bé mélés mam ma nti bés nduña. Ndi Nhek wés nye a nla. A bi téé yak ngim mut inyu hôla bés. Mut nu a yé Yésu Kristô. Ndék ngéda, i likala likeñi, Yésu a ga boñ mam ma ga loo ma a bi boñ ngéda a bé hana ’isi. Kiki hihéga:
YÉSU A BI UNDA LE A GA MBUUBAHA BAKOKON.
“Ba lona nye bôt bobasôna ba bééna makon ni njôghe nya ndi nya . . . , a mélés makon map.” —MATÉÔ 4:24.
YÉSU A GA TI BÔT BOBASÔNA LIYÉÉNE NI BIJEK.
“B’a [bôt ba ga ba isi énél i Kristô] oñ mandap, ba yén ki mu; b’a bel nwom mi minkôô mi wai, ba je ki matam map. B’a oñ bé mandap, le bôt bape ba yén mu, to bel nwom, ndi bôt bape ba je nwo.”—YÉSAYA 65:21, 22.
ÉNÉL I YÉSU I GA LONA NSAÑ NI NWEE IKÉTÉ NKOÑ ’ISI WONSÔNA.
“Dilo tjé mut a téé sép a’ too, yak ngandak nsañ y’a ba, letee sôñ i ba ha bé. A’ bémbe ibôdôl tuye ikepam tuye, ibôdôl ki Lom letee ni masuk ma ’isi. . . . Babala bé ki b’a la nluñ ték.”—TJÉMBI 72:7-9.
YÉSU A GA MÉLÉS NGITELEPSÉP.
“A’ kon diyeyeba ni ba ba nsamp ngoo, a’ tohol ki nom i ba ba nsamp. A’ kobol nom yap ikété ngadla ni njôô.”—TJÉMBI 72:13, 14.
YÉSU A GA MÉLÉS MANDUTU NI NYEMB.
“Nyemb y’a ba ha bé, to maéya, to nlondok, to njôghe bi ga ba ha bé.”—MASOOLA 21:4.
