Di mbéna nok bibéba bi mam bi bi ñôbôs mahaa. Ndi mambe mam ma nla hôla mahaa le ma ba ikété maséé?

• Ipôla nwii 1990 ni 2016 i loñ Amérika, nsoñgi u mabii ma ma mbos hiki nwii u bi bet ngélé iba inyu bôt ba nloo 50 nwii, ndi inyu bôt ba nloo 65 nwii, u bi bet ngélé iaa.

• Bagwal ba yé nhelek: Bayimam bape ba nkal le bagwal ba nlama bégés bon bap hiki ngéda, ndi bape ki ba nkal le bagwal ba nlama bop bon bap.

• Boñge ba wanda ba yé ba nañ bo ngi bana yi i i nhôla bo i tjek mam map ma niñ.

Ndi, maliga ma yé le  . . .

• Libii li yé ngim likébla li li yé le li nlama bé mal.

• Bagwal ba nlama nigil i kodol bon bap ni gwéha.

• Boñge ba wanda ba nla nigil i hôlôs makeñge ma ma ga bane bo nseñ ngéda ba ga nañ.

Lelaa? I Tode ‘ilo! nunu a ga toñol 12 maéba tole diliba di di nla hôla mahaa i ba maséé.