YÉNA PÉÉ!
2022: Nwii u yubda ikeñi—Kii Bibel i nkal?
Munu nwii 2022, gwét, gwom bi nhee diye lôñni bikuu bi ntjama homa nyensona, yak nkuu manwin u bi pôdôl i jam li. Ndik Bibel yotama yon i nti bés bañga ndoñi inyu mana mam.
Kii mam ma mbôña i nwii 2022 ma nkobla toi?
Mam ma mbôña i nwii unu u ntip tagbe ma ñéba toi ni mbale le di niñil i ngéda Bibel i nsébél le “dilo di nsôk.” (2 Timôtéô 3:1) I ngéda i, i bi bôdôl i nwii 1914. Soho, yimbe kiki i mam mana ma nkiha ni i jam Bibel i bi bôk añal inyu mangéda més:
“Gwét.”—Matéô 24:6.
“Nwii 2022, Érôpa i ntémb i kahal nôgda bikuu bi gwét.” a
Béñge yigil ini le “Ruslan a nleñ loñ Ukren gwét.”
“Njal ikeñi.”—Matéô 24:7.
“2022: Nwii u béba njal.” b
Béñge yigil ini le “Gwét i loñ Ukren bi nlona njal ikeñi ikété nkoñ ’isi wonsôna.”
“Dimala.”—Lukas 21:11.
“Himala hi polio i ntiimba lo, himala hi nkôi hio hi yé mbet mbet ni mbet, yak COVID-19 a nke ndigi ni bisu i nol bôt, hala a bi unda i pam limbe likala makon ma nla pala tjama ni mbok yosôna, ma nolok ki bôt ngandak.” c
Béñge yigil ini le “Didun disamal di bôt di bi wo COVID.”
“Mam ma nkônha woñi.”—Lukas 21:11.
“Lék i nai, sép i nai, hié hi nligis mapan, yak bihundul bi malép bi ñôbôs gwom bôt. Munu nwii 2022, i nya bikék ini, bôt ba yé mbén i hôya yo ni ngandak mam ipe i i bi ôbôs ngandak gwom, mbôgôl dikôô i bôt i nwo, bape ba nimis mandap map.” d
Béñge yigil ini le “lisuni ni lék bi nai ni nkoñ ’isi.”
“Yubda [tole, “lisanda; mpuñgu,” buk isi lipep.].”—Lukas 21:9.
“Kiki bôt ba nai ni liyot inyule niñ i nlet, yak gwom bi nhee diiye, jon bipes bi nkoñ ’isi wonsôna munu nwii 2022, bôt ba nai ndik le ba ntelep minloñ inyu kolba ngomin.” e
Béñge yigil ini le “Gwom bi nai ni diye.”
Kii i ga bôña i nwii u noñ ha?
Mut nye ki nye a nyi bé lelaa mam ma ga ba i nwii 2023. I yom di yi, i yé le ndék ngéda Ane Djob, hala wee ane i i yé i ngii, i ga yoñ mam ma nkoñ isi i moo. (Daniel 2:44) I ane i, i ga héya mandegle ma bôt ba binam, i boñ ki le sômbôl i Djob i bôña hana hisi.—Matéô 6:9, 10.
Di nsoohe we le u “yén péé” inyu tehe lelaa i mam ma ntagbe ni nkoñ ’isi ma yé i yônôs mbañ i Bibel. (Markô 13:37) Bibel i yé nseñ inyu yoñ i len ini, i nla ki ti we ni lihaa joñ bañga botñem inyu dilo di nlo. U nla yéñ bés ibale U nsômbôl kônde yi kii Bibel i nkal.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Yak ini i nla lémél we
NKUM NTAT
Ndék ngéda Djob a mélés mandutu
Lelaa di nyi le ndék ngéda Djob a mélés mandutu momasôna ni ngitelepsép?
ESSENTIAL BIBLE TEACHINGS
Kii i yé Ane Djob?
Ngéda yosôna Yésu a téé likalô, a bi pôdôl Ane Djob iloo mam mape. Bôdôl nwii ndi nwii len, bôt ba nsoohe inyu malo ma Ane.
MINKWEL MIMPE
Bañga botñem inyu dilo di nlo
Inyuki mimbônga mi Bibel mi yé maselna ni mimbônga mi bôt ba binam?
INYU YI BÉS
Bat le Mbôgi Yéhôva yada i yuuga we
Bana minkwel mi Bibel ni Mbôgi Yéhôva, tole noode ntjega wés inyu yigil i Bibel.
