Mu kiki gwét bi ngi kenek ni bisu I loñ Ukren, baéga bibase ba bi nit gwét. Béñge kiki baéga bibase ba yé i nit mintôñ nwo mima mi mi yé ke i jo gwét:

•   “Bisônda bi bi ntumbba i sôñ loñ yés Ukren ba kôli ni lipém jés ni mayéga més. . . Miñem nwés, minyemhe nwés ni mahôla més ma nit bé ngéda yosôna.”—Propos du métropolite Épiphane de Kiev, rapportés par The Jerusalem Post, 16 Matumb, 2022.

•   “Ñéga base nu Ortodox i ngéda a bé kena base i sonde inyu bisônda bi loñ Rusia a bi kal bo le ba nlama sôñ loñ yap “ndigi kiki bon ba Rusia botama ba nla boñ” kiki Môskou a bé ke ni bisu i jôs Ukren.”—Reuters, 3 Matôp, 2022.

 Baa bikristen bi nlama yoñ ngaba i gwét? Kii Bibel i niiga?

 Bibel i ñunda le bôt ba noñ toi Yésu kristô ba nlama bé ke i gwét.

•   “Timbis pansoñ yoñ i homa wé, inyule ba bobasôna ba nyoñ pansoñ, b’a tjiba ni pansoñ.”—Matéô 26:52.

   Baa nu a nti kiñ yé le bôt ba kee i g wét tole a nyoñ ngaba i gwét, a yé toi i nôgôl bipôdôl bi Yésu?

•   “Me yé i ti bé mbén mondo, le ni gwéhna bé ni bé; ndik kiki me bi gwés bé, yak bé ni gwéhna hala bé ni bé. Hala nyen bôt bobasôna b’a yi le ni yé banigil bem—ibale ni ngwéhna bé ni bé.”—Yôhanes 13:34, 35.

   Baa nu a nit gwét a ñunda toi le i ntén gwéha Yésu a bé kal le banigil bé ba nlama bana yo i?

 Ibale u nyéñ yi mam mape mu jam li, soho, añ ño nkwel unu le “Peut-on concilier guerre et christianisme?”

 Baa hala a nla nôôga le bikristen bi kôli bé yoñ ngaba i gwét i len ini? Ñ. Bibel i bi bôk kal le dilo tjés, hala wee “dilo di nsôk,” bôt ba lôlak ni matén momasôna, ba ga “nigil ha bé to i jo gwét,” inoñnaga ni biniigana Yésu.—Yésaya 2:2, 4, Bibuk bi isi lipep.

•   Soho, añ ño nkwel le “La guerre qu’en pense Dieu?” i i bi pam i Tour de garde.

 Ndék ngéda Yéhôva, a “Nyambe nu nsañ,” a ga gwélél ane yé i ngii, inyu péyés ba ba nson njonok len “I moo ma bôt ba ntét bo, ba boñok bo béba.”—Filipi 4:9; Tjémbi 72:14.

•   Inyu yi lelaa, béñge vidéô ini le Kii i yé Ane Djob?