“Kon u mahoñol u yé nnayak yak boñge ba wanda, njom ikeñi yada i nduña yap i yé réseaux sociaux.”​—Dokta Vivek Murthy, chirurgien général i loñ Amérika, New York Times, 17 Matôp 2024.

 Lelaa bagwal ba nla sôñ bon bap le ba kwo bañ i mam mabe ma ma yé mu réseaux sociaux? Bibel i nla hôla bo.

 Béñge i matiñ ma Bibel mana:

 “Mut yihe a ntibil béñge i homa a mbiine kôô.”​—Bingéngén 14:15.

 Kiki mam mabe ma yé mu réseaux sociaux, u ta bé nyégsaga i nwas man woñ le a gwélél yo. Ilole u nwas man woñ le a gwélél réseaux sociaux, ba nkwoog nkaa le a yé nhôôlak i nya i yé le a nla noñ ntéak ngéda ba nti nye inyu gwélél yo, a nyi pohol bañga bawanda, a yik ki keñgle i mam mabe ma yé mu.

•    Inyu kôhna biniigana bipe, añ i minkwel mini ni hop Pulasi le “Mon enfant devrait-​il utiliser les réseaux sociaux ?” ni “Protégez votre adolescent des dangers des réseaux sociaux.”

 “Ni tiblak yaga gwélél ngéda nan.”​—Éfésô 5:16.

 Ibale u nyoñ makidik i nwas le man woñ a gwélél réseaux sociaux, tééne nye mambén mu, u toñle ki nye lelaa ma ga hôla nye i keñgle mam mabe. Yén péé, u béñgege too maboñok ma man woñ ma nhéñha; ibale maboñok mé ma nhéñha, wee bebek i mbéda le man woñ a suhus ngéda a ntégbaha i gwélél réseaux sociaux.

•    Inyu hôla man woñ i nok inyuki i yé loñge le u tééne nye minwaa, kee i homa nunu le bititii bi nwéghe i libam, u gwélél i vidéô ini i gwé ño le Gwélél minkwel i internet ni pék.

 Bibel i nkal le di niñil i ‘mangéda ma ma yé mabe, ma bak ki nledek kiyaga.’ (2 Timôtéô 3:1-5) Ndi i nlélém ngéda, i nti bés maéba ma ma nhéñha bé, ma hôlga ki bés i pamba. Iloo jam kiki bo 20 ma minkwel mi mi nyôñna ikété Bibel inyu hôla bagwal ni bon bap mi nlébna munu nkwel unu u u mpôdôl makon ma boñge ba wanda?