Ntôñ u Mbôgi Yéhôva u ndiihe kunde bôt ba gwé i tjél yelel mam ma niñ yap i mbamba; hala a nkiha yak ni matiñ ma Bibel. Ntôñ u nyi le hala a yé nseñ i tééda maada malam ni bôt ikété mapubi momasô, ni i kot ngim mam ma tôbôtôbô ma ntihba biniñ bi bôt, inyu tibil sélél Mbôgi Yéhôva ni yônôs nsôn u base yap mu mahôla ba nti bôt; ndi ba nyi hala a nkiha lôñni nseñ i tjél yelel mam ma bôt i mbamba, ni i tééda miñañ mi loñge. (Bingéngén 15:22; 25:9) I tjél yelel mam ma bôt i mbamba i yé nseñ ngandak.​—Bingéngén 20:19.

Ngandak biloñ i ntéé mambén inyu kéñ bôt njel i yelel mam ma biniñ bi bôt bape i mbamba. Iloo yaga le mambén ma ma mpam, hala a yé ntandaa ngéda nano le ntôñ u Mbôgi Yéhôva u ndiihe kunde i bôt, u tjélék ki yelel mam map i mbamba. Ntôñ u Mbôgi Yéhôva w’a ke ni bisu i tjél yelel mam ma bôt i mbamba, kingéda lem yé bôdôl behee, ni inoñnaga ni matiñ ma yé ntilga munu.

Mana matiñ ma mbéñge ntôñ Mbôgi Yéhôva wonsôna, mu kiki u nyiba ni njel dikuu di biloñ, di di yé ni nkoñ isi wonsôna.

Ntôñ u Mbôgi Yéhôva u ngwélél mam u nyi mu biniñ bi bôt inoñnaga ni mana matiñ ma noñ:

1. Ntôñ u ga gwélél mam ma biniñ bi bôt loñge inoñnaga ni mbén.

2. Ntôñ u ga kot mam ma biniñ bi bôt, u gwélél ndik ki mo ngéda hala a yé nseñ inyu yônôs minson mi base i Mbôgi Yéhôva, ni inyu hôla bôt bape.

3. Ntôñ u ga wan le mam ma biniñ bi bôt, ma ba maliga, ma kihga ki ni mut nu i len ini. Ntôñ u ga pala kodol hiki hihôha u nléba.

4. Ntôñ u ga tééda mam ma biniñ bi bôt ntandaa ngéda, u gwélak ndik ki mo inyu yônôs minsôn minlam mi ntôñ.

5. Ntôñ u ga yoñ bitelbene inyu diihe kunde i hiki mut nu a nyelel mam ma niñ yé.

6. Ntôñ u ga téé matiñ mu ligwélak jé ni litjegek jé li mam, inyu kéñ bôt njel i bôk mbén ni yélel mam ma biniñ bi bôt. Ndik bôt ba ba gwé kunde bon ba nla gwélél bisélél bi bi tééda mam ma biniñ bi bôt, ba ban-ga ki buk i tôbôtôbô inyu jôp mu. Mbus bôlô, ba nkwés bahoma ba bôlô kayéle ndik bet ba gwé kunde bon ba nla jôp mu.

7. Ntôñ u ga yis bé dikuu di bilôñ bipe mam ma biniñ bi bôt, he mah le hala a ba nseñ inyu yônôs nson u base i Mbôgi Yéhôva, ni inyu hôla bôt bape; minson mi nwon Mbôgi Yéhôva yôsôna i neebe i boñ ni kiñ ñem, nwo ki nwon mi nyis bôt le ba yé toi Mbôgi Yéhôva.

1. Le mut nu a nyis bés mam ma niñ yé, a gwé kunde i tat mam ma, i kodol mo, tole a sas mo, i kunde i nlama tina nye inoñnaga ni lem i Mbôgi Yéhôva i di ntoñol munu matiñ mana.

2. Nu ni nu a nyéñ yi ngim mam inoñnaga ni matiñ mana a nlama tibil toñol njee a yé.

3. Ibale mut a nyéñ tehe jam mu mam a nyis bés, tole a nyéñ kodol mo, tole a nyéñ sas mo, i ba ya le mam ma ma yé tôbôtôbô inyu yé tole heni, ntôñ w’a wan jam li inyu ba nkwoog nkaa le pes yada i ga yuu bé ini ipe, le hala a ga ba bé béba inyu mut nu, to inyu ntôñ. U ga wan ki too i neebe i boñ hala, i ga kéñ bé ntôñ njel i gwel minson nwé, to tééñga wo mu kunde yak wo u gwé, ni kunde yé i ti Djob bibégés.

4. Ntôñ u ntehe nseñ le u tééda ngéda yosôna ibabé sas mam ma niñ ma hiki mut nu a nkal le a yé Mbôgi Yéhôva. I sas miñañ mi, i nla téénga ntôñ mu kunde ntôñ u gwé i nit hémle yé, ni mu i kunde yé i ti Djob bibégés.

Ibale mut a nhoñol le di ta bé diihe nye ni kunde yé, a nla tilna Juu li bakena hikuu hi nlôñ inyu tjelene bo. I ngéda mut a nhoñol le di nyan kunde yé, a gwé sonde iba inyu tila kaat yé ni toñol njelel yé.