Baa Mbôgi Yéhôva i yé bikristen?
Ñ. Di yé bikristen. Di nkal hala inyu manjom ma noñ:
Di noode noñ biniigana bi Yésu Kristô ni ndémbél yé.—1 Pétrô 2:21.
Di nhémle le Yésu nyen a yé hiliba hi tohi, le “jôl lipe li ntina bôt li ta bé hana ’isi, le jon di nlama tohlana.”—Minson mi baôma 4:12.
Ngéga mut a nyila Mbôgi Yéhôva, a nkôs sôble i jôl li Yésu.—Matéô 28:18, 19.
Di nsoohe i jôl li Yésu.—Yôhanes 15:16.
Di nhémle le Yésu nyen a yé ño, hala wee nyen a gwé kunde ngii hiki munlôm.—1 Korintô 11:3.
Ndi di yé maselna lôñni bibase bipe bi bi nkal le bi yé bikristen. Kii hihéga, di nhémle le Bibel i niiga le Yésu a yé Man Djob, le a ta bé ikété Trinitas. (Markô 12:29) Di nhémle bé biniigana bi nkal le mut a gwé yom ikété yé i i nwo bé; to biniigana bi nkal le Djob a nkép bôt mbai i bee hié. Di nhémle bé to le baéga bibase ba nlama beege bitel bikeñi inyu bémbe bikristen bipe.—Ñañal 9:5; Ezékiel 18:4; Matéô 23:8-10.
Yak ini i nla lémél we
MAMBADGA BÔT BA MBÉNA BAT
Baa Mbôgi Yéhôva i nhémle Yésu?
Béñge inyuki i nlôôha ba nseñ inyu bañga bikristen i hémle Yésu.
MAMBADGA BÔT BA MBÉNA BAT
Inyuki Mbôgi Yéhôva i ngwélél bé mbasa inyu bibégés?
To hala kii bés Mbôgi Yéhôva di yé bikristen, di ngwélél bé mbasa ngéda di mbégés Djob. Inyuki bé?
INYU YI BÉS
Inyuki di nlama nigil Bibel?
Ni njel Bibel, didun di bôt i nkoñ ’isi di nkôhna mandimbhe inyu mambadga makeñi ma niñ. Baa u yé le u gwés le u ba wada ikété yap?
INYU YI BÉS
Bat le Mbôgi Yéhôva yada i yuuga we
Bana minkwel mi Bibel ni Mbôgi Yéhôva, tole noode ntjega wés inyu yigil i Bibel.