Nson wés i nkoñ ‘isi woñsôna u mbôña téntén ni njel makébla Mbôgi Yéhôva yomede i nti ni ñem wap wonsôna. a Dikukuu inyu makébla di yé i ngim bahoma i mandap més ma bibégés; manjel mape ki ma nlébna mu site yés internet. Manjel ma yé nya ndi nya inyu boñ le mut a laa pohol too a ga nit nson ni nkoñ isi wonsôna, a nit mam ma mbéda inyu likoda jé, tole gwo biba.

 Mbôgi Yéhôva i mbat bé le bôt ba ti mu moni wap jôga jada isi jôm, tole ngim nsoñgi moni u tôbôtôbô. (2 Korintô 9:7) Di gwé bé nsul to njañgi i makoda més, to bagwelnson bés ba mbat bé moni inyu minson ba ngwel kiki bo i sôble bôt, i ti nkwel u maéya, tole u libii, to inyu minson mi base nwo ki nwo. Di mbulus bé moni nwés ni manjel kiki bo nyuñga, mintuk inyu kôs moni (bazaar, karnaval, tombôla, ntuk u bingô, nyuñga bijek), tole mam mape ma mpôôna ma. Di nleñ bé to nsébla inyu kot moni. Bati makébla ba nyiba bé, inyule ba mbambal bé môl to makébla map. (Matéô 6:2-4) Bisite gwés, to bikaat gwés, bi nhôñôs bé manwin ma nyuñga inyu kôhna moni.

 Hiki sôñ, i makoda ma Mbôgi Yéhôva, ba nlegel i mbamba ñañga moni inyu yi lelaa moni mi ngwéélana. Ngim ntjega i yé le mankéé wada nu ba ntep a nlama wan inyu yi lelaa batééda moni ba ngwélél nwo.​—2 Korintô 8:20, 21.

•   Makébla ni njel dikukuu: U nla ha moni nwoñ tole chèque ikété dikukuu di yé ndap Ane, i ndap makoda makeñi tole i bahoma bape i het di nla kodbana.

•   Makébla ni njel internet: Ikété ngandak biloñ, u nla ke i homa i internet ni ño le “Ti Mbôgi Yéhôva ngim likébla” inyu ti makébla moñ ni njel bank, tole ni manjel mape i internet. b Mbôgi Yéhôva ihogi i yé i boñ ngim ntjega, ba kit le ba ga “tééda ngim yom ipañ” hiki sôñ inyu ti makébla, inoñnaga ni manjel di ntip pôdôl.​—1 Korintô 16:2.

•   Tjek makébla moñ: Ngim manjel inyu ti makébla i mbat ngim ntjega, tole u yi mambén ma loñ i bisu bi ngéda. I ngim biloñ, i yi mambén ma i nla hôla i suhus ndamba i tas u nlama saa. Ngandak bôt i bi ôt nseñ i yi bitelbene bi, nwaa le ba nti makébla map ngéda ba ngi yii i niñ, tole ma ba nkit le ma ga yôña i mbus nyemb yap. Soho, tilna hikuu hi loñ yoñ inyu kôhna biniigana bipe ibale u nsômbôl ti makébla mana:

  •   Moni u ntééda i bank

  •   Moni u ntééda i assurance-vie ni mi w’a kôs lisuk li bôlô yoñ

  •   Ngaba yoñ moni i ngim in-gin (action / obligations)

  •   Lilagle

 Inyu bana biniigana bipe, béñge i homa nunu le “Ti Mbôgi Yéhôva ngim likébla.”