Di bi yimbe le ngandak bôt i i gwé yap base, i ngwés minkwel mi Bibel. Ndi di nyéksa bé mut i neebe ñwin wés. Di nyi le hiki mut a gwé kunde i pohol base i i nlémél nye.

 Ngéda di nkwel Bibel ni bôt, di noode noñ maéba ma Bibel ma nkal le di boñ hala “ni ñemlima” ni njôôñ lipém. (1 Pétrô 3:15) Di nyi le bôt bobasôna ba ga neebe bé likalô jés. (Matéô 10:14) Ibale di yé ngi kwel ni ngim mut, di ga yi bé mahoñol mé. Ndi di nyi ki le mahoñol ma bôt ma nhéñha.

 Kiki hihéga, mut a nla tjél pôdôs bés len, ndi a ba maséé i kwel ni bés kel ipe. Bape ba mboma mam tole mandutu ma mondo, ma ma nla tinde bo i emble jam Bibel i nkal. Inyu hala nyen di ntiimba ke i mandap ma bôt.