BƆNU 3
Amɔsunwa wãaru ta ra sãa alusanna sɔɔ?
Yehofa u raa Adamu ka Efa gãa bura dabinu kã. Torubu 1:28
Yehofa u tɔn kurɔ gbiiko kua, Efa, ma u nùn Adamu kã u ko win kurɔ.—Torubu 2:21,22.
Yehofa u be takaa kua ka bwisikunu ka wɛsi yibura, toraru sariru sɔɔ.
Ben Alusannan yɛnu ga raa sãawa Edɛnin gbaaru—yam buram buram tɔna, ka daaru ka dãa binuginu ka yɛɛ.
Yehofa u raa be gari sɔ̃ɔwa; u raa be sɔ̃ɔsiru kã. Bà n daa wi swaa daki, ba ko n daa wãa sere ka baadomma Alusanna sɔɔ temɔ.
Gusunɔ raa nɛɛ bu ku dãa teerun binu di. Torubu 2:16, 17
Maleeka ben turo u Gusunɔ tekuri. Maleeka kɔ̃so wiya Setam, Yibirisi.
Yehofa raa Adamu ka Efa dãa binugii teeru sɔ̃ɔsi gbaaru sɔɔ ma u raa be sɔ̃ɔwa u nɛɛ bà n daa ten buu di ba ko gbiwa.
Setam kun raa kĩ Adamu ka Efa bu Yehofa mɛm nɔɔwa. Yen sɔ̃ u waa dendi u ka Efa sɔ̃ɔwa u nɛɛ, ù n daa dãa ten buu di u ǹ gbimɔ, adama u koo gɔsiawa nge Gusunɔ. Wee, win gari yi ya raa sãawa weesu.—Torubu 3:1-5.
