“Wuna a gãanu kpuro taka kua.”—Kãsiru 4:11

Mba Bibeli ya sun sɔ̃ɔsimɔ Gusunɔ sɔɔ?

• Kãsiru 15:3

  U sãawa dam kpurogii, wiya u kpuro dam kere.

• Womusu 90:2

  U ǹ tore mɔ.

• Mateu 6:9

  Gusunɔ u sãawa bɛsɛn Baaba.

  U kĩ sa n wãaru te ta buram bo mɔ.

• Gɔrobun kookoosu 17:27

  Gusunɔ u kĩ u sun susi.

“Yehofa . . . amɛniwa nɛn yĩsiru sere ka baadommaɔ.”—Yaribu 3:15, NWT.

Mba sɔ̃na Gusunɔn yĩsiru ta sãa girim?

• Womusu 83:19

  Gusunɔ u sun sɔ̃ɔwa ma win yĩsira Yehofa. “Gusunɔ” ka “Yinni” nu ǹ sãa yĩsa. Sokuna, nge “Sunɔ” ka “Peresidam.” Yehofa u kĩ a win yĩsiru loo ko.

• Yaribu 3:14

  Win yĩsirun tubusiana “wi u ra gɔsiasie.” Yèn sɔ̃ Yehofawa u gãanu kpuro taka kua, U koo kpĩ u yèn nɔɔ mwɛɛru u kua kpuro yibia kpa u de win himba yu koora.

“Gusunɔ sãawa kĩru.”—1 Yohanu 4:8

Mba Gusunɔn kĩru ta sun sɔ̃ɔsimɔ?

• Yaribu 34:6; Womusu 37:28

  U sãawa wɔnwɔndugii. U ra gem ka deedeeru kã.

• Womusu 86:5

  U ra tɔmbu ben toranu suuru kue.

• 2 Piɛɛ 3:9

  U ka sun suuru sãa.

• Kãsiru 15:4

  U ka sun bɔrɔkiniru sãa.

“I bɛɛn wahala kpuro sɔbio win mi u koo bɛɛ nɔɔri.”—1 Piɛɛ 5:7

Amɔsunwa a yɛ̃ ma Gusunɔ u ra nun nɔɔri ka gem?

• Womusu 37:9-11

  U nɔɔ mwɛɛru kua ma u koo nɔni swãaru kpeesia kpa u asɔrɔ ye tɔn kɔ̃soba kua sɔmɛ.

• Yakɔbu 4:8

  Yehofa u kĩ a wi susi.

• Yohanu 17:3

  Mɛn nɔɔ a gia Gusunɔ sɔɔ mɛn nɔra kaa maa ka wi kĩa.