“Gari yin saabuwa na yiire Gusunɔ Baaban wuswaaɔ, win min di bweseru baatere ta yara te ta wãa wɔllɔ ka te ta wãa temɔ.”—Efesu 3:14, 15

Amɔsunwa wunɛn yɛnu ga koo ka doo nɔɔru wa?

• Torubu 1:26-28

  Yehofa u yɛnu gbiiku taka kua.

• Efesu 5:1, 2

  Yɛnun wãaru ga n ka bwɛ̃ɛ dora mɔ n weenɛ gu Yehofa ka Yesu saari.

“I de durɔ baawure u n win kurɔ kĩ . . . kpa kurɔ baawure u n win durɔn bɛɛrɛ yɛ̃.”—Efesu 5:33

Amɔsunwa n weenɛ kurɔ ka durɔ bu kuana?

• Efesu 5:22-29

  Durɔ sãawa yɛnun wirugii. N weenɛ u win kurɔ kĩa kpa kurɔ u win durɔ nɔma kɛ̃ kpunaa ye u sua sɔɔ.

• Kolose 3:19; 1 Piɛɛ 3:4

  N weenɛ ba n wɔnwɔndu ka bɛɛrɛ mɔɔsinɛ.

• 1 Piɛɛ 3:1, 2, 7

  N weenɛ kurɔ ka durɔ bu yiiko ka bɛɛrɛ wɛ̃ɛna.

• 1 Timɔte 5:8; Titu 2:4, 5

  N weenɛ durɔ u win yɛnun bukata yibia. N weenɛ u win yɛnugibu nɔɔri mam mam.

“I ku bɛɛn bii goo mɔru barasia. I bu nɛnuɔ ka nɔni dokebu kpa I bu Yinnin gari keu ko.”—Efesu 6:4

Mba ya sãa mɔwɔbun sɔmburu?

• Sɔ̃ɔsiru 6:4-9; Mɔnnu 22:6

  A saa n bukata mɔ a ka wunɛn bibu keu ko Yehofa sɔɔ. A toruo saa ben birun di, kpa a n tɛmanɛ a ka ben baawure somi bu ka gɔsia Yehofan bɔrɔ.

• 1 Piɛɛ 5:8

  A wunɛn bibu sɔ̃ɔsio mɛ ba koo ko bu ku ka be dam di kɔ̃ɔ mɛnna ka maa kari ganun swaa sɔɔ.

• Yeremi 30:11; Heberu 12:9-11

  N weenɛ a wunɛn bibu sɛɛyasia, adama n ǹ kun ka mɔru ǹ kun mɛ ka gɔburu.

“Bibu, I bɛɛn mɔwɔbu mɛm nɔɔwɔ.”—Efesu 6:1

Bibu, mban sɔ̃na n weenɛ i bɛɛn mɔwɔbu mɛm nɔɔwa?

• Mɔnnu 23:22-25; Kolose 3:20

  Wunɛn mɛm nɔɔbu ya koo Yehofa ka wunɛn mɔwɔbun nukuru dorasia.

• 1 Korinti 15:33

  A bɔrɔ kasuo be ba Yehofa kĩ. Saa ye sɔɔ ya ǹ nun sɛ̃siammɛ a ka ko ye ya wã.