“Swaa ye ya dɔɔ wãaru sɔɔ ya sɛ̃ yen kɔnnɔ ga ǹ yasu. Ba ǹ maa dabi be ba ge waamɔ.”—Mateu 7:14

Amɔsunwa sa kua sa ka yɛ̃ ma Gusunɔ kun sãaru kpuro wure?

• Mateu 7:21-23

  Gusunɔ kun sãanu kpuro wuramɔ. Sãanu kpuro nu ku ra Gusunɔn kĩru ko.

• Mateu 7:13, 14

  Sãa geera ka nun dɔɔwa wãaru te ta ku ra kpeɔ. Sãa weesugiru maa kam kooreɔ.

• Mateu 7:16, 17

  Kaa kpĩ a sãa geeru tubu saa ten kookoosun di. Ya ǹ tilasi a gina sãanu kpuro gia, a gesi mɛɛrio ye Bibeli ya gerumɔ.

• 1 Tɛsalonika 2:13; 2 Timɔte 3:16, 17

  A Bibelin gari naanɛ dokeo kpa a yi tɔmbu sɔ̃ɔsi.

• Mateu 4:10; Yohanu 17:6

  A Yehofa sãɔ kpa a win yĩsiru loo ko.

• Yohanu 13:35

  I kĩi geeru sɔ̃ɔsinɔ.

• Yohanu 3:36; Gɔrobun kookoosu 4:12

  A Yesu mɛm nɔɔwɔ. Gusunɔ u Yesu loo kua u ka sun faaba ko.

• Yohanu 18:36; Gɔrobun kookoosu 5:29

  A ku nɔma doke politikiru sɔɔ.

• Mateu 24:14; 6:10

  A gabu sɔ̃ɔsio ma Gusunɔn bandu tɔna ta koo bɛsɛn wahala kpeesia.

Mba n weenɛ a ko à n kĩ Gusunɔ u wunɛn sãaru wura?

• Yakɔbu 2:19

  A Gusunɔ naanɛ ko ya ǹ tura. N weenɛ a ko ye Bibeli ya gerua.

• Esai 52:11; Kãsiru 17:5

  Sãa weesugiru, ǹ kun mɛ “Babiloni baka,” ya ra tɔmbu sɔ̃ɔsi bu Gusunɔ sãa ka swaa ye u ǹ wure. Sãa weesugirun sɔ̃ɔsinu ganu wee: gusunɔ ita tia sɔɔ, yãro ku ra gbi, ka dɔ̃ɔ wi u ku ra gbi.

• Kãsiru 18:4, 8

  N tie fiiko Yehofa u koo sãa weesugiru kpeesia. N weenɛ su sãa weesugirun gãanu kpuro suuri.

• Maaku 10:28-30

  Ba koo kpĩ bu nun seesi, adama Yehofa kun nun derimɔ pai.