“Nim wee, mba n man tie na ǹ kon ka batɛmu ko.”—Gɔrobun kookoosu 8:36

Mba n sɔ̃ ka amɔsunwa n weenɛ a batɛmu ko?

Batɛmu ya sɔ̃ɔsi ma a mɛ a raa ka wunɛn wãaru diisinamɔ deri ma a wãa kpaaru torua a ka Gusunɔn kĩru ko.

• Mateu 28:19, 20

  N weenɛ a batɛmu ko a ka Yehofa sã.

• Womusu 40:9

  Batɛmu ya koo gabu sɔ̃ɔsi ma a kĩ a Yehofa sã.

• Mateu 3:16

  N weenɛ bu nun numsia mam mam nge mɛ ba Yesu kua.

“San Gusunɔ kĩ sa ko maa win wooda nɛnɛ. Win wooda kun maa sɛ̃.”—1 Yohanu 5:3

Mban sɔ̃na n ǹ weenɛ a n nande a ka tii Yehofa wɛ̃?

• Womusu 103:14; Esai 41:10

  Ya ǹ bikie a n sãa yiburo a sere tii Yehofa wɛ̃. U koo nun somi a ka ko ye ya wã.

• Kolose 1:10

  Kĩi te a Yehofa mɔɔwɛ ta koo wunɛn bɛrum kamia a ku ka win nuki sanku.

“Gusunɔ nɛn Yinni, na kĩ n wunɛn kĩru ko wunɛn wooda ya wãa nɛn gɔ̃ruɔ.”—Womusu 40:9

Mba n weenɛ a ko a ka tii Yehofa wɛ̃?

• Yohanu 17:3

  A GUSUNƆN GARIN KEU KOOWO

  A kasuo a Yehofa ka Yesu Kirisi gia. Mɛn nɔɔ a be giamɔ, mɛn nɔɔra kĩi te a be mɔɔwɛ ta ko n sosimɔ.

• Heberu 11:6

  A WUNƐN NAANƐ DOKEBU BANIƆ

  A Yehofan nɔɔ mwɛɛnu naanɛ koowo mam mam ka Yesun yãkurun dam mɛ mu koo sun yakia saa toraru ka gɔɔn di.

• Gɔrobun kookoosu 3:19

  A GƆ̃RU GƆSIO

  Yeni ya tubusia ma a wunɛn tora ni a kua kpuro tuuba kua ka gɔ̃ru tia.

  A GƆSIRO

  Yeni ya tubusia ma a kookoo kɔ̃susu deri ma a ka kookoo geesu sɔmburu mɔ̀.

• 1 Piɛɛ 4:2

  A TII WƐ̃ƐYƆ

  A wunɛn wãaru Yehofa wɛ̃ sanam mɛ a wi nɔɔ mwɛɛru kua kanaru sɔɔ ma kaa wi sãa kpa a de gãa ni u kĩ ya n girinu bo wunɛn wãaru sɔɔ.