“Gemgiba ko n tem mɛ mɔ, kpa ba n wãa mi, ka baadommaɔ.”—Womusu 37:29

Mba n Gusunɔn himba tɔmbun sɔ̃?

• Torubu 1:28

  Gusunɔ u raa kĩ yɛnusu su ko tem mu gɔsia arusanna kpa ba n yɛɛ kpuro nɔma sikerenɛ.

• Esai 46:9-11; 55:11

  Gusunɔ u koo win himba yibia, sari ye n koo wi yɔ̃rasia.

“Handunia kpuro wãa tɔn kɔ̃so win nɔma sɔɔ.”—1 Yohanu 5:19

Wara u handunia yeni kpare?

• Yohanu 12:31

  Yesu u Setam soka handunian wirugii.

• Yakɔbu 1:13-15

  Setam u ye ya ǹ sãa wigia kĩ.

• Torubu 2:17; 3:1-6

  Setam u Efa nɔni wɔkua, Adamu ka Efa ba ǹ Gusunɔ mɛm nɔɔwɛ, yen biru be yiru kpuro ba gu.

• Romu 3:23; 5:12

  Sa gbimɔ yen sɔ̃ sa torarun tubi di saa Adamu min di.

• 2 Korinti 4:3, 4

  Setam u tɔmbu nɔni wɔ̃kumɔ.

“A na a bandu swĩi. A de bu wunɛn kĩru ko tem sɔɔ mini.”—Mateu 6: 10

Mba Yehofa u koo ko?

• Daniɛli 2:44

  Gusunɔn banda koo ban ni nu tie kpuro kɔsire ko.

• Kãsiru 16:14-16

  Gusunɔ u koo handunia kɔ̃sa yeni kpeerasia Aamagedom sɔɔ.

• Esai 9:6, 7

  Yehofa u Yesu gɔsa u ko win ban ten sunɔ, wɔllɔ. Yesu u koo tem kpara.

“A ra wunɛn nɔma dɛmiɛ kpa a hunde koni baayere wɛ̃ yèn bukata ya mɔ.”—Womusu 145:16

Mba Gusunɔn banda ko sun kua?

• Womusu 46:10

  Tabu, gɔba, ka dam dibu kpuro koo dɔɔna.

• Esai 32:18; 65:21-24

  Wãa kpaaru sɔɔ, tɔmbu kpuro ba ko n dii buranu mɔ ka gbaa buranu, ba ko ba n maa wãa bɔri yɛndu sɔɔ.

• Womusu 72:16

  Dĩana ko n yiba.

• Esai 11:6-9

  Tɔmbu ka yɛɛ ba ko n wãa sannu bɔri yɛndu sɔɔ.

• Esai 33:24; Gɔrobun kookoosu 24:15

  Goo kun maa baramɔ, be ba gu ba koo wurama wãaru sɔɔ.