“Mɛya Tɔnun Bii kua . . . U win wãaru wɛ̃ u ka tɔn dabinu yakia.”—Mateu 20:28

Mban sɔ̃na sa kɔsia yakiatirun bukata mɔ?

• Torubu 3:17-19

  Saa ye Adamu kun Gusunɔ mɛm nɔɔwɛ, u bɔrɔ gee ni u ra ka Yehofa sãa bia, ka win tɔn yiburoru, ka maa arusanna ye sɔɔ u raa wãa.

• Romu 5:12

  Ye Adamu u kuan sɔ̃, sa durum ka gɔɔn tubi di.

• Efesu 1:7

  Swaa ye Yehofa u yi u ka tɔmbu yakia saa durum ka gɔɔn di yera kɔsia yakiatiru.

“Gusunɔ . . . u win Bii teereru gɔrima handunia ye sɔɔ sa n ka wãaru te ta ku ra kpe mɔ wi sɔɔ.”—1 Yohanu 4:9

Amɔsunwa Yehofa u ka kɔsia yakiati te wɛ̃?

• Womusu 49:8, 9

  Bɛsɛn goo sari wi u koo kpĩ u kɔsia yakiatiru wɛ̃ wãa yiburo te Adamu u bian sɔ̃.

• Luku 1:35

  Yehofa u win bii wi u kĩ too gɔrima temɔ ba nùn mara tɔn yiburo.

• Romu 3:23, 24; Heberu 9:24

  Yesun sikurabun biru, u wura wɔllɔ, miya u win tɔn wãa yiburoru Yehofa wɛ̃ nge kɔsia yakiatiru.

“U koo bu ben nɔni yĩresu kpuro woka, gɔɔ kun ko n maa wãa.”—Kãsiru 21:4

Mba sa koo ko su ka kɔsia yakiati ten arufaani di?

• 1 Yohanu 1:8, 9

  Sa koo kpĩ su bɛsɛn durum suuru wa.

• Heberu 9:13, 14

  Bɛsɛn gɔ̃run seeda ya ǹ maa sun taarɛ wɛ̃ɛmɔ Gusunɔn wuswaaɔ.

• Romu 6:23

  Sa yĩiyɔ mɔ wãaru te ta ku ra kpe sɔɔ.

• Galati 2:​20

  Kɔsia yakiatirun kɛ̃ru ta sɔ̃ɔsimɔ ma Yehofa ka Yesu ba sun kĩ too.

“Gusunɔ . . . u win Bii tɔn durɔ teereru bu wɛ̃ kpa baawure wi u nùn naanɛ doke . . . u n wãaru mɔ te ta ku ra kpe.”—Yohanu 3:16

Amɔsunwa sa koo sɔ̃ɔsi ma sa Gusunɔn kɛ̃ru, kɔsia yakiati te siara?

• Yohanu 17:3

  A na a Yehofa ka Yesu gia kpa a be saari.

• Luku 22:19

  An da wɔ̃ɔ baagere Yesun gɔɔn yaayabu de.

• Yohanu 3:36; Yakɔbu 2:26

  A ku nɛɛ a Yesu naanɛ sãa tɔna. A koowo ye Yesu u sun yiire su ko.