“Gɔɔwa sãa wɛrɔ dãako wi ba koo kam koosia.”—1 Korinti 15:26

Amɔsunwa Bibeli ya ra ka sun nukuru yɛmiasie sanam mɛ goo u gu?

• 2 Korinti 1:3, 4

  Sanam mɛ bɛsɛn mɛro bisi goo ǹ kun mɛ bɛsɛn bɔrɔ kinasi goo u gu, sa ra dam bie. Bibeli ya ra sun nukuru yɛmiasia geebu wɛ̃.

• Esai 25:8; 26:19

  Yehofa u dam mɔ u ka gɔɔ wĩa sere ka baadommaɔ. U koo maa ka be ba gu wurama wãaru sɔɔ.

“Wɔndia wunɛ, na nu sɔ̃ɔmɔ, a seewo.”—Maaku 5:41

Mbane sɔ̃na n weenɛ su naanɛ doke sikurabu sɔɔ?

• Yohanu 11:1-44

  Yesu u Lasaa seeya gɔrin di.

• Maaku 5:22-24, 35-42

  Yesu u wɔndia bii goo seeya gɔrin di.

• Yohanu 11:41, 42

  Yesu u Gusunɔn dam loo kua u ka gɔribu seeya.

• Yohanu 12:9-11

  Seeda dio dabina wa sanam mɛ Yesu u gɔribu seeya. Baa win wɛrɔbu ba yɛ̃ ma u kpĩa u ye kua.

“Saa ye sɔɔ, Gusunɔ, à n nɛn bɛkɛ barɔ, à n man soku, nɛ wi na sãa wunɛn taka koora, kon nun wurari.”—Yoobu 14:13-15

Berà ba koo se gɔrin di?

• Yohanu 5:28, 29

  Be ba wãa Yehofan bwisikunu sɔɔ ba koo se gɔrin di.

• Gɔrobun kookoosu 24:15

  Gemgibu ka gem sarirugibu ba koo se gɔrin di.

• Esai 40:26

  Yehofa u kpera baayere yaaye ka yen yĩsiru, yen sɔ̃ ya ǹ wi sɛ̃siammɛ u ka gãanu kpuro yaaya be u koo seeya sɔɔ.

“N wee na dɔɔ mi, n bɛɛ wãa yeru sɔɔru kua.”—Yohanu 14:2

Berà ba koo se bu ka wãaru di wɔllɔ?

• 1 Piɛɛ 3:18

  Yesuwa tɔn gbiiko wi u sikura u ka wãaru di wɔllɔ.

• Luku 12:32

  Yesu u nɛɛ win bwãabu sɔɔ fiikowa ba koo sikura bu ka wãaru di wɔllɔ.

• Kãsiru 14:1

  Yehofa u tɔmbu 144 000 gɔsa bu ka wãaru di wɔllɔ.