“A na a bandu swĩi. A de bu wunɛn kĩru ko tem sɔɔ mini, nge mɛ ba mɔ̀ wɔllɔ.”—Mateu 6:9-13

Mba n Gusunɔn bandu?

• Kãsiru 11:15

  Gusunɔn bandu ta koo tem gira kpuro kpara saa wɔllun di.

• 1 Timɔte 6:15

  Yesuwa saa Gusunɔn bandun sunɔ.

• Kãsiru 14:1, 4

  Tɔmbu nge 144 000 wa ba koo ban te kpara ka Yesu saa wɔllun di.

• Heberu 4:15; 5:8

  Yesu ka tɔmbu 144 000 be, ba yɛ̃ mɛ n da n sun sãawɛ ba maa yɛ̃ wahala ye sa waamɔ.

“U koo sãarobu siriawa dee dee.”—Esai 11:4

Mban sɔ̃na Yesuwa n weenɛ u ko ban ten sunɔ?

• 1 Timɔte 6:16

  Sinambu kpuro ba koo ra gbi, adama Yesu kun gbimɔ pai. Gãa gee ni Yesu u koo sun kua kpuro nu ko n wãawa sere ka baadommaɔ.

• Esai 11:2-4

  Yesu u koo kpi u gea ko n kere handunia yenin sinambu. Bà n handunia yenin sinambu mɛnna u be kpuro dam kere. U ǹ murafitiru mɔ u maa wɔnwɔndu mɔ.

“Wɔrukoo u koo bandu garu swĩi. Goo sari wi u koo ban te fuka.”—Daniɛli 2:44

Mba ban te ta mɔ̀ tɛ̃? Mba ta koo ko sia?

• Kãsiru 12:7-12

  Ye ba Yesu kua sunɔ wɔ̃ɔ 1914 n biru, u Setam kasa kua temɔ saa wɔllun di. Yen sɔ̃na gãanu kpuro burisinɛ, ma wuriribu ka nɔni swãaru tem kpuro yiba.

• Waasu kowo 8:9; Kãsiru 16:16

  Aamagedom sɔɔ, Gusunɔn bandu ta koo tɔn kɔ̃sobu ka murafitiban bannu kpeerasia.

• Womusu 37:10

  Tɔn be ba ǹ kɔ̃sa kobu deri ba koo be kpeerasia.

• Kãsiru 22:1-3

  Saa ye Gusunɔn bandu ta koo tem kpara, goo kun maa baramɔ ǹ kun mɛ u gbi, tɔmbu kpuro ba koo maa Gusunɔn yĩsiru yiiko wɛ̃.